Cataluña
Sete de cada dez cataláns móstranse a favor de que o catalán sexa oficial en Europa
Segundo unha enquisa, a oficialidade do catalán en Europa xera un amplo consenso na sociedade catalá, pois os datos mostran que un 70 % das persoas enquisadas está a favor desta posibilidade.
Fonte: El Diario
A Generalitat de Cataluña internacionaliza o proxecto AINA para impulsar o catalán no mundo dixital
A Generalitat de Catalunya asinou un acordo con GSMA, entidade que organiza o Mobile World Congress de Barcelona, polo que se comprometen a traballar conxuntamente na promoción do catalán no ámbito tecnolóxico e dixital a nivel global a través do proxecto AINA.
Fonte: Generalitat de Catalunya
Máis de 5700 persoas obteñen o certificado de coñecemento do catalán
As probas para a obtención dun certificado de coñecemento do catalán alcanzaron unhas cifras de récord na convocatoria deste ano, á que se presentaron 8306 persoas das que aprobaron 5731.
Fonte: Generalitat de Catalunya
A Generalitat de Cataluña convoca axudas para incorporar o catalán aos xogos de mesa
Esta nova liña de axudas conta cunha dotación de 150 000 euros para incorporar o catalán aos xogos de mesa e está dirixida ás empresas con acreditación de distribución e comercialización deste tipo de xogos.
Fonte: Generalitat de Catalunya
O catalán recupera visibilidade nos resultados de busca de Google
Grazas á actualización do seu algoritmo, o catalán recupera a visibilidade nos resultados de busca de Google, o que duplicou a presenza desta lingua nos primeiros resultados.
Fonte: La Vanguardia
O Consorcio para a Normalización Lingüística organiza máis de 1300 cursos de catalán do primeiro trimestre do curso 2023-2024
O CPNL ofrece máis de 1300 cursos, tanto para aprender como para perfeccionar o catalán, e máis de 29 220 prazas en modalidades presencial e en liña.
Fonte: Generalitat de Catalunya
Unha delegación de seis eurodeputados visitará Cataluña para examinar o modelo de inmersión lingüística
Seis europarlamentarios visitarán Cataluña o vindeiro mes de decembro para coñecer o modelo de inmersión lingüística nas escolas catalás co obxectivo de recompilar información sobre este tema a raíz da denuncia presentada en 2017 pola AEB.
Fonte: Última Hora
O lema da Diada de 2023 estará centrado na lingua catalá
O 11 de setembro celébrase a Diada, cuxo lema deste ano é «Una llengua, molts accents», co que se queren denunciar os ataques a esta lingua, así como poñer en valor a súa riqueza e diversidade.
Fonte: CatalunyaPress
O Goberno do Val de Arán demanda que se poida falar aranés no Congreso
Solicítanlle á presidenta do Congreso dos Deputados que o aranés, que é tamén lingua oficial en Cataluña, se poida empregar na Cámara Baixa, nas mesmas condicións que o galego, o catalán e o éuscaro.
Fonte: Nius
Netflix emitirá catro tempadas de “Avatar, a lenda de Korra” en catalán
Coa incorporación desta serie, xa son 38 os títulos que Netflix ofrece en lingua catalá, grazas ao convenio entre o Goberno de Cataluña e a Corporación Catalá de Medios Audiovisuais (CCMA).
Fonte: Generalitat de Catalunya
Boletín
Subscríbase ao boletín
