O Termcat publicou en liña a terminoloxía das plataformas de vídeo á cata, que recolle un cento de termos vinculados con este ámbito como produtos e xéneros audiovisuais, navegación e xestión das aplicacións, tecnoloxías implicadas no servizo, entre outros.

Fonte: Generalitat de Catalunya

O Instituto Catalán das Empresas Culturais publicou a convocatoria para a concesión de axudas á edición de audiolibros en catalán e occitano, que ten como obxectivo apoiar a publicación de audiolibros nestas linguas.

Fonte: Publish News

Os datos sociolingüísticos dos municipios cataláns dispoñibles en #Català947 publicáronse no portal Dades Obertes da Generalitat de Cataluña, un cambio que servirá para que esta información estea nun formato reutilizable para que poidan empregalos outros programas ou aplicacións.  

Fonte: Generalitat de Catalunya

A campaña "Provem-ho en català", que busca fomentar o hábito de falar en catalán, resultou gañadora dun premio Impacte na categoría “Impacte de la producció”.

Fonte: Generalitat de Catalunya

O novo programa diario, que permite aumentar os contidos televisivos informativos en aranés producidos pola Corporación Catalá de Medios Audiovisuais, emitirase con subtítulos para facilitar a aprendizaxe do aranés aos aprendices e facelo accesible ás persoas con dificultades auditivas.

Fonte: Generalitat de Catalunya

Segundo un estudo realizado pola Alianza para a presenza dixital do catalán, as visitas en Google nesta lingua descenderon en dúas de cada tres páxinas web. Así mesmo, o 66,5 % dos sitios web en catalán reduciron a súa visibilidade respecto ao contido equivalente en castelán.

Fonte: La Vanguardia

A Generalitat de Cataluña e a Corporación Catalá de Medios Audiovisuais asinaron un convenio polo que a CCMA lle cederá o seu catálogo de series e películas en catalán, tanto dobradas como subtituladas, o que incrementará a presenza desta lingua nas plataformas audiovisuais como Netflix ou HBO.

Fonte: Generalitat de Catalunya

Para frear o retroceso no uso do catalán nos centros educativos, a Generalitat presentou unha nova medida pola que estes poderán solicitar ata 1300 euros para accións de fomento desta lingua. Entre elas, recomendan o proxecto Revista Escolar Dixital, unha rede de diarios escolares dirixidos polo alumnado de primaria, secundaria e bacharelato.

Fonte: La Vanguardia

Esta oficina conta cunha traballadora que domina as linguas de signos catalá, española e internacional e agora poderá mellorar a atención das persoas xordas mediante un dispositivo de videointerpretación.  

Fonte: Generalitat de Catalunya

Unha nova web recolle, por primeira vez, todos os recursos dispoñibles para promover a aprendizaxe do catalán en orixe por parte dos estudantes internacionais que teñen prevista unha estancia nalgunha universidade de Cataluña.

Fonte: Generalitat de Catalunya