Cataluña

A Xarxa Vives financiará a publicación de traballos científicos en catalán

A Xarxa Vives de universidades financiará a publicación de traballos científicos en catalán mediante un programa de axudas. O obxectivo da iniciativa é prestixiar esta lingua e fomentar o seu uso na difusión do coñecemento.

Fonte: La Vanguardia

Cataluña

A UGT de Cataluña presenta unha campaña para demandar a oficialidade do catalán na Unión Europea

A campaña "El dia a dia, en català", que conta co apoio da Dirección Xeral de Política Lingüística, ten como obxectivo demandar a oficialidade do catalán na Unión Europea.

Fonte: Generalitat de Catalunya

Cataluña

Os gardas civís destinados en Cataluña terán que estudar catalán

Por primeira vez inclúese nos cursos de acceso de primeiro destino o estudo do catalán para axentes da Garda Civil destinados a Cataluña. Esta medida afectará a 176 membros do corpo que se van incorporar ao seu novo posto en Barcelona, Xirona, Lleida e Tarragona.

Fonte: Cadena SER

Cataluña

Un estudo analizará os usos lingüísticos no sistema sanitario público de Cataluña

O estudo, denominado Estudi-ULAS, diríxese ao persoal médico e de enfermería que traballa en centros públicos de Cataluña e ten como obxectivo coñecer as súas necesidades lingüísticas para así ofrecerlle os recursos e servizos que sirvan para fomentar o uso do catalán e mellorar deste xeito a atención aos usuarios.

Fonte: La Vanguardia

Cataluña

A Generalitat de Cataluña impulsa a presenza do catalán en videoxogos e aplicacións

Co obxectivo de fomentar a presenza do catalán nas novas tecnoloxías, especialmente as relacionadas co entretemento da xente nova, o Departamento de Cultura convoca unha liña de axudas, cunha dotación de 100 000 euros, dirixida ás empresas que incorporen esta lingua nos seus produtos dixitais.

Fonte: Generalitat de Catalunya

Cataluña

Demandan o fomento dos contidos en catalán nas plataformas de vídeo baixo demanda

O Consello do Audiovisual de Cataluña reclama que a transposición da nova directiva de servizos de comunicación audiovisual impulse a presenza de contidos en catalán nos catálogos das plataformas de vídeo baixo demanda como Netflix.

Fonte: La Vanguardia

Cataluña

A Comisión de Toponimia de Cataluña reúnese para tratar os obxectivos para o ano 2020

Na súa primeira reunión ordinaria de 2020, a Comisión de Toponimia de Cataluña abordou as accións previstas para este ano, como a actualización do nomenclátor oficial de Cataluña, a publicación do nomenclátor do Val de Arán ou a elaboración do nomenclátor mundial.

Fonte: Generalitat de Cataluña

Cataluña

O Consello da Avogacía Catalá impulsa o uso do aranés no ámbito xudicial

O Colexio de Avogados de Lleida colleu a presentación dos primeiros formularios xurídicos en aranés destinados aos profesionais da xustiza e que servirán para fomentar o uso desta lingua nos xulgados de Vielha.

Fonte: La Vanguardia

Cataluña

Celébrase unha nova edición do certame de promoción da lectura e a escritura en catalán Ficcions

O concurso literario Ficcions, dirixido ao alumnado do segundo ciclo de ensino secundario e de bacharelato de centros educativos valencianos, cataláns e baleares, chega á súa 12ª edición co obxectivo de promover a lectura e a escritura en lingua catalá.   

Fonte: Generalitat de Catalunya

Cataluña

O servizo do 061 CatSalut Respon incorpora un equipo de interpretación en lingua de signos catalá

A Generalitat de Cataluña incorpora ao servizo do 061 CastSalut Respon un equipo de interpretación en lingua de signos catalá, un importante paso que permitirá acceder a este servizo público sanitario a persoas xordas a través dos seus móbiles ou tabletas.

Fonte: Generalitat de Catalunya

Cataluña

Boletín

Subscríbase ao boletín

Logo Feder