Cataluña

Publícase un dicionario en catalán con máis de 16 000 termos relacionados coa Unión Europea

Este dicionario en liña recolle máis de 16 000 entradas tomadas da base de datos IATE que contén a terminoloxía institucional da Unión Europea, con termos referidos ao dereito, á economía, á saúde e ás institucións comunitarias.

Fonte: La Vanguardia

Cataluña

Estréase en Cataluña unha nova tempada do programa sobre lingua catalá Katalonski

O Departamento de Cultura e TV3 estrean a nova tempada do programa Katalonski, no que persoas estranxeiras explican os cambios que supuxo a aprendizaxe da lingua catalá no seu día a día. 

Fonte: Generalitat de Catalunya

Cataluña

Comeza a nova tempada do Kastanya.cat co obxectivo de promover o uso do catalán e do occitano

O Kastanya.cat, unha iniciativa de impulso do catalán e o occitano a través da música, iniciou a emisión da súa nova tempada na televisión de Lleida.  

Fonte: Generalitat de Catalunya

Cataluña

A Generalitat de Cataluña reedita unhas guías para aprender catalán desde o árabe e desde o español

Estas guías forman parte dunha colección de dez volumes en diferentes linguas dirixidos á poboación estranxeira co obxectivo de que aprendan catalán a partir do seu idioma.

Fonte: Generalitat de Catalunya

Cataluña

Convócase o XXII Concurso Literario en Lingua Catalá Roc Boronat

O Concurso Literario en Lingua Catalá Roc Boronat, convocado pola ONCE, está dirixido a dous grupos de participación: un para persoas con algún tipo de discapacidade visual e outro para o todo público en xeral.

Fonte: Generalitat de Cataluña

Cataluña

O TERMCAT renova o convenio de colaboración que permite dispoñer de normas ISO e UNE en catalán

A Asociación Española de Normalización e o TERMCAT renovaron o convenio que dende 2005 permite que se publiquen en catalán as normas técnicas UNE cos estándares aplicables internacionalmente nos ámbitos industrial, económico e social.

Fonte: Generalitat de Catalunya

Cataluña

O programa Emmarca’t promove en Cataluña o emprego do catalán entre as grandes marcas

Segundo a Enquisa de usos lingüísticos da poboación 2018 de Cataluña, o 75 % dos profesionais emprega o catalán na atención ao público. Este e outros argumentos recóllense na publicación editada por Política Lingüística coas cincuenta razóns para motivar o empresariado a empregar esta lingua para publicitar a súa marca.

Fonte: La Vanguardia 

Cataluña

Reúnese o xurado para decidir os galardoados da terceira edición do Premio de Fomento da Lingua de Signos Catalá

O Premio de Fomento da Lingua de Signos Catalá, convocado pola Generalitat de Cataluña, chega á súa terceira edición. Este galardón, que se entregará no mes de outubro, conta con tres categorías nas que se premian persoas, entidades e iniciativas de fomento desta lingua.

Fonte: Generalitat de Catalunya

Cataluña

Segundo os datos dunha enquisa, o 60 % da poboación de Arán sabe falar o aranés 

Segundo os resultados da Enquisa de usos lingüísticos da poboación de 2018, elaborada pola Dirección Xeral de Política Lingüística da Generalitat de Cataluña, un 83 % da poboación entende aranés, un 73% saber ler nesta lingua e un 45% sábea escribir.

Fonte: Ara.cat

Cataluña

O Consorcio para a Normalización Lingüística abre o prazo de inscrición para os cursos de catalán

A nova oferta de cursos do Consorcio para a Normalización Lingüística daralles prioridade á formación das persoas chegadas recentemente a Cataluña e ás prácticas lingüísticas fóra da aula.

Fonte: Generalitat de Catalunya

Cataluña

Boletín

Subscríbase ao boletín

Logo Feder