Cataluña

Comeza o proceso participativo do Pacto Nacional pola Lingua para fomentar o uso do catalán en diferentes ámbitos e frear a perda de falantes

Durante a primeira reunión do Pacto Nacional pola Lingua, o Goberno de Cataluña presentou un informe sobre a situación do catalán e serviu de punto de partida para iniciar un proceso participativo que servirá como base do futuro plan de política lingüística.  

Fonte: El Periódico

Cataluña

Ponse en marcha unha campaña para animar a poboación a participar na construción dun corpus lingüístico para que a tecnoloxía fale catalán

O Goberno de Cataluña organiza, ao abeiro do proxecto Aina, a campaña “La nostra llengua és la teva veu”, que ten como obxectivo a construción dun gran corpus lingüístico do catalán para incorporar a calquera iniciativa dixital. Para iso pide a colaboración cidadá, xa que cómpre obter múltiples formas de falar en catalán en diferentes tons, por persoas de distintas idades e sexos.

Fonte: La Vanguardia

Cataluña

Òmnium Cultural e a Cámara de Barcelona asinan un acordo para impulsar o catalán no ámbito empresarial

Òmnium Cultural e a Cámara de Comercio de Barcelona asinaron un convenio de colaboración no que se comprometen a fomentar o uso do catalán no ámbito empresarial e entre o tecido produtivo.

Fonte: El Nacional

Cataluña

Unha universidade de Cataluña organiza un concurso de vídeos en galego, catalán, éuscaro e castelán

A Universitat Oberta de Catalunya organiza un certame de vídeos que ten como obxectivo animar as mulleres a estudar carreiras STEM. O concurso, que conta con tres categorías (dúas para escolares e unha para adultos), permite presentar pezas en castelán, catalán, éuscaro ou galego.

Fonte: Galicia Confidencial

Cataluña

Segundo unha enquisa, tres de cada catro cataláns defenden a inmersión lingüística

A última enquisa do Centro de Estudos de Opinión da Generalitat mostra que a inmersión lingüística no sistema educativo conta cun importante apoio da poboación catalá, xa que o 76 % defende este modelo.

Fonte: Públic

Cataluña

O Concello de Sabadell aproba unha moción para que se cumpra o Regulamento de uso da lingua catalá

Varias entidades impulsaron esta moción ao detectar incumprimentos do Regulamento de uso da lingua catalá, vixente no Concello de Sabadell desde o ano 2000. 

Fonte: Plataforma per la Llengua

Cataluña

A Generalitat e o sistema universitario de Cataluña elaboran un plan para potenciar o uso do catalán

Malia que o 70 % das materias de grao se imparte en catalán, a Generalitat e as universidades deseñarán un plan para impulsar o uso deste idioma na investigación e como lingua de convivencia.

Fonte: El Periódico

Cataluña

Cincuenta e un novos establecementos súmanse á iniciativa ‘Comerços aprenents’ para aprender a atender a clientela en catalán

‘Comerços aprenents’ é unha iniciativa da CPNL que ten como obxectivo facilitar que os establecementos comerciais poidan realizar unha atención básica en catalán á clientela. Ata o momento contaba coa participación de 40 comercios de toda Cataluña, aos que acaban de sumarse 51 máis da cadea de supermercados Condis.

Fonte: Generalitat de Catalunya

Cataluña

Convócanse as probas para obter os certificados de catalán

Ata o 9 de febreiro está aberto o prazo de presentación das solicitudes para participar na convocatoria das probas para obter o certificado de catalán que permite acreditar o coñecemento desta lingua.  

Fonte: Generalitat de Catalunya

Cataluña

A Generalitat de Cataluña mantén o contacto con algunhas plataformas de streaming para que reforcen a súa oferta en catalán

A titular do Departamento de Cultura informou de que se iniciaron conversas con plataformas audiovisuais como Amazon Prime, Netflix ou HBO para que inclúan máis contidos en catalán nos seus respectivos catálogos.

Fonte: El Nacional

Cataluña

Boletín

Subscríbase ao boletín

Logo Feder