Cataluña

Persoas estranxeiras que viven en Cataluña aprenden catalán para aumentar as súas posibilidades de emprego

Un total de 556 persoas participaron en 2018 nos cursos de nivel inicial de catalán y nos de coñecemento da sociedade e o seu marco xurídico organizados polo Consorcio para a Normalización Lingüística (CPNL) e dirixidos a persoas estranxeiras inmigradas e a persoas reagrupadas.

Fonte: RR. HH. Press

Cataluña

Ábrese o prazo de inscrición na cuarta edición do Kastanya.cat, un proxecto musical de promoción do catalán e o occitano

O proxecto Kastanya.cat chega á súa cuarta edición e abre o prazo de inscrición ata o 31 de maio para que participen as formacións musicais que así o desexen, coa única condición de que os temas que interpreten estean en catalán ou occitano, xa que o obxectivo principal desta iniciativa é promover o uso destas dúas linguas a través da música.  

Fonte: Generalitat de Catalunya

Cataluña

Alumnado do Consorcio para a Normalización Lingüística fai prácticas de catalán en bares e comercios

O Consorcio para a Normalización Lingüística (CPNL) organiza un programa de prácticas lingüísticas coa colaboración de 4000 establecementos comerciais e de restauración de toda Cataluña. Neste proxecto participaron en 2018 un total de 6421 persoas do Voluntariado pola lingua que, grazas a esta iniciativa, poden practicar o aprendido nos cursos de catalán.   

Fonte: Generalitat de Cataluña

Cataluña

O Tribunal Constitucional avala o modelo lingüístico do sistema educativo catalán

O Tribunal Constitucional anulou varios artigos da Lei de educación de Cataluña porque non se axustan á normativa estatal. Porén, declarou constitucionais os relativos ao réxime de inmersión lingüística.

Fonte: El Nacional

Cataluña

Optimot inicia en Twitter unha nova edición do seu concurso de lingua catalá

Optimot inicia en Twitter unha nova edición do seu concurso de San Jordi no que lles propón aos seus seguidores que publiquen no seu perfil desta rede social dous versos pareados cun ton satírico ou humorístico que conteñan unha palabra composta en catalán.

Fonte: Generalitat de Catalunya

Cataluña

O Instituto de Estudos Araneses edita o primeiro audiolibro en aranés

Era isla des diamants de Jusèp Condò é o título do primeiro audiolibro en aranés, editado co gallo do Día de San Jordi polo Instituto de Estudos Araneses. Trátase dun dos textos clásicos do rexurdimento da literatura occitana de finais do século XIX e principios do XX.

Fonte: Generalitat de Catalunya

Cataluña

Ponse en marcha unha campaña para fomentar a lectura de revistas en catalán

A Asociación de Publicacións Periódicas en Catalán (APPEC) lanzou a campaña “Sigues lliure, llegeix” co obxectivo de impulsar a lectura de revistas nesta lingua, así como combater a manipulación informativa e as noticias faltas.

Fonte: Generalitat de Catalunya

Cataluña

O aranés incrementará a súa presenza nos medios públicos audiovisuais

A Corporación Catalá de Medios Audiovisuais comprometeuse a incrementar a presenza do aranés e os contidos relacionados co Val de Aran nos medios públicos, a través do reforzo da información, da dobraxe de programación infantil ou de espazos web específicos.

Fonte: Generalitat de Cataluña

Cataluña

Publícanse en catalán dúas novas guías de viaxes, de Islandia e de Praga

A colección Guies Insight acaba de publicar dúas novas guías de viaxe en catalán grazas ao apoio da Dirección Xeral de Política Lingüística de Cataluña, unha sobre Islandia e outra sobre Praga, que se suman ás seis anteriores (Berlín, Lisboa, Londres, Nova York, París e Roma).

Fonte: Generalitat de Catalunya

Cataluña

A Generalitat e o Goberno de Andorra colaboran na publicación do Dicionario de relacións internacionais

O Termcat (Centro de Terminoloxía da Lingua Catalá) elaborou o Dicionario de relacións internacionais, que inclúe 1328 termos en catalán acompañados dunha definición, así como da súa correspondente tradución ao castelán, ao francés e ao inglés.

Fonte: La Vanguardia

Cataluña

Boletín

Subscríbase ao boletín

Logo Feder