Comunidade Valenciana
A Universidade de Valencia organiza unha campaña de promoción do valenciano
A campaña “Igualdade lingüística é…” busca concienciar a toda a comunidade universitaria para que utilicen o valenciano.
Fonte: Generalitat de Cataluña
O Concello de Carcaixent convoca un premio ao uso do valenciano nas Fallas
O Concello de Carcaixent organizou un premio ao uso do valenciano nas Fallas, encadrado entre as accións de fomento desta lingua.
Fonte: Las Provincias
O Goberno valenciano outórgalle o premio de promoción do valenciano á asociación cultural Gaiata 14
A Generalitat valenciana outorgoulle un premio de promoción do valenciano á asociación cultural Gaiata 14 por redactar nesta lingua os libretos das festas da Magdalena.
Fonte: ABC
Unha organización valenciana pide a igualdade lingüística entre valenciano e castelán
A organización Acción Cultural do País Valenciano solicitou mediante un documento con propostas de mellora a igualdade lingüística entre valenciano e castelán na Comunidade.
Fonte: La Vanguardia
Convocan axudas para a promoción social do valenciano
A Consellería de Educación, Cultura e Deporte da Generalitat Valenciana convocou axudas co obxectivo de fomentar a lingua valenciana no ámbito social, comercial e industrial.
Fonte: Las Provincias
As Cortes Valencianas aproban unha lei que recoñece a singularidade do valenciano
Trátase da Lei de recoñecemento, protección e promoción dos sinais de identidade do pobo valenciano, que, entre outros aspectos, establece a defensa da individualidade do valenciano respecto a outras linguas do Estado.
Fonte: Ara
A asociación Escola Valenciana celebra o trinta aniversario das súas festas polo valenciano
Un total de 60 000 persoas acudiron ás festas educativas polo valenciano organizadas por Escola Valenciana en diferentes localidades da Comunidade. Esta edición contou ademais co aliciente de celebrar o trinta aniversario destas festas que reivindican a educación en valenciano.
Fonte: 20 minutos
Un informe destaca o baixo índice de lectura e de edición en valenciano
O Goberno valenciano aprobou un informe sobre a situación dos niveis de lectura e edición na lingua propia. Nel, pódese apreciar a situación crítica pola que pasa a literatura en valenciano, tanto en número de lectores como de títulos publicados.
Fonte: Las Provincias
Unha vila valenciana decide dispoñer dun intérprete de lingua de signos en todos os seus plenos
A vila valenciana de Burjassot decidiu contar coa presenza dun intérprete de lingua de signos en todos os seus plenos municipais para poder traducir as sesións á lingua de signos e desta forma incluír as persoas con discapacidade auditiva.
Fonte: Horta Noticias
A Comunidade Valenciana aumentará os requisitos para poder dar clases en inglés
A Comunidade Valenciana engadirá un novo requisito para os profesores que impartan materias en inglés, máis alá do certificado de coñecemento do idioma e que consistirá na realización dun curso sobre métodos pedagóxicos.
Fonte: Las Provincias
Boletín
Subscríbase ao boletín
