Comunidade Valenciana
Convócanse as probas para poder obter os certificados de coñecemento do valenciano
O Diario Oficial da Comunidade Valenciana publicou a convocatoria das probas para obter os certificados oficiais de coñecemento do valenciano.
Fonte: El Periodic
O Concello de Castellón organiza cursos de valenciano en liña para o seu persoal
A Concellería de Normalización Lingüística organiza cursos de valenciano en liña para o persoal do Concello que permitirán que se preparen para obter os certificados de nivel C1 e C2.
Fonte: El Periodic
A Deputación de Valencia publica un vocabulario con termos en valenciano das festas de Pascua
A Unidade de Normalización Lingüística da Deputación de Valencia foi a encargada da elaboración deste vocabulario de termos en valenciano relativos ás festas de Pascua.
Fonte: El Periodic
Unha asociación da Comunidade Valenciana reclama unha lei de igualdade lingüística
A asociación Acció Cultural del País Valencià reclama esta lei de igualdade lingüística ante a petición realizada por un xulgado de Benidorm de que se traducise unha demanda ao castelán para axilizar trámites.
Fonte: La Vanguardia
Os concellos recibirán axudas da Deputación de Valencia para fomentar o uso do valenciano
A Unidade de Normalización Lingüística da Deputación de Valencia prevé ofrecer doce programas para fomentar o uso do valenciano nos concellos da provincia.
Fonte: La Vanguardia
Torrent acolle a celebración da Semana da Lingua coa que se quere fomentar o uso do valenciano
A Área de Educación e a Oficina de Dinamización, Promoción e Uso do Valenciano organiza actividades para a semana do 18 ao 25 de abril con motivo do Día do Libro.
Fonte: Las Provincias
Altos cargos das comunidades autónomas reuniranse en Valencia para abordar unha lei de protección para as linguas cooficiais
Valencia acollerá un seminario ao que acudirán representantes das comunidades autónomas nas que existen linguas cooficiais co obxectivo de traballar de maneira conxunta en liñas estratéxicas comúns e de elaborar unha lei para a protección desas linguas.
Fonte: 20 minutos
O Concello de Valencia aplicará cláusulas lingüísticas en todos os seus novos contratos
As empresas contratadas polo Concello de Valencia deberán cumprir, entre outras, unha cláusula lingüística pola que se comprometen a realizar en valenciano as súas comunicacións externas e co Consistorio.
Fonte: El Periodic
A Academia Valenciana da Lingua e a Real Academia de Cultura Valenciana reúnense para achegar posturas
Representantes de ambas as entidades participaron nun encontro cuxo obxectivo era achegar posturas acerca do conflito do valenciano que enfronta a estas dúas organizacións.
Fonte: Las Provincias
O Concello de Valencia, a Generalitat e a Academia Valenciana da Lingua colaborarán para impulsar o valenciano
Un convenio de colaboración entre as tres institucións servirá para coordinar diferentes actuacións encamiñadas á normalización do valenciano.
Fonte: La Vanguardia
Boletín
Subscríbase ao boletín
