Illas Baleares
Oitenta persoas anótanse aos cursos de catalán en Formentera
Iniciáronse dous cursos de catalán promovidos polo Consello de Formentera a través do seu Servizo de Asesoramento Lingüístico, que queren preparar o alumnado para as probas oficiais que o Goberno balear convocará para finais do mes de maio.
Fonte: Última hora
O Goberno balear preséntalles o borrador do decreto de plurilingüismo aos centros
O director xeral de Ordenación, Innovación e Formación Profesional, Onofre Ferrer, iniciou a presentación do borrador do proxecto de decreto polo que se regula o tratamento integral das linguas aos directores de centros educativos non universitarios de Baleares.
Fonte: Última Hora
O Goberno de Baleares aproba o decreto de linguas para o sistema educativo
O Goberno aprobou o decreto do tratamento integral de linguas (TIL) de Baleares, que ten como obxectivo que os alumnos do ensino público e concertado non universitario coñezan e se expresen nas dúas linguas oficiais, catalán e castelán, e nunha terceira lingua estranxeira, inglés, preferentemente.
Fonte: Diario de Mallorca
O Departamento de Educación de Baleares suprime o Servizo de Ensino do Catalán
Entre outras, o Servizo de Ensino do Catalán (SECAT) era o encargado de expedir os certificados de coñecementos de lingua catalá aos alumnos que cursaron cuarto de ESO ou segundo de Bacharelato. Tamén entregaba os títulos de capacitación para impartir clase en Baleares nos cursos de reciclaxe para o profesorado.
Fonte: Diario de Mallorca
Sete de cada dez alumnos elixen o catalán como primeira lingua en Baleares
Sete de cada dez alumnos (70 %) de Baleares elixiron o catalán como primeira lingua no ensino de segundo ciclo de Educación Infantil (de 3 a 6 anos) e no primeiro ciclo de Educación Primaria (primeiro e segundo curso), mentres que só o 30 % optou polo castelán, segundo informou nun comunicado a Consellería de Educación, Cultura e Universidades de Baleares.
Fonte: Diario de Ibiza
O Concello de Alcúdia esixiralles o catalán como requisito a todos os funcionarios
Todos os aspirantes a ocupar algunha praza pública no Concello de Alcúdia deberán acreditar o coñecemento da lingua catalá como requisito para optar ao posto de traballo. Desta forma, o dominio da lingua propia de Mallorca non será considerado un simple mérito no concurso, tal e como recolle a última modificación da Lei de función pública.
Fonte: Diario de Mallorca
O Departamento de Cultura non renova as axudas á edición de libros en catalán en Menorca
Cultura non convocará este ano as axudas que outorgaba á edición de libros e outro material (CD ou DVD) en catalán producidos en Menorca ou cuxa temática fose de interese para a illa, e que no orzamento do pasado exercicio 2012 contaron cunha partida específica.
Fonte: Menorca
Un total de 51 autores de Menorca participa nun poemario colectivo en defensa da lingua
Cun poemario colectivo «en defensa da lingua» e coa participación desinteresada de 51 autores de Menorca. Así inaugura a editorial menorquina Arrela a súa colección de poesía Anvers.
Fonte: Última Hora
Desenvolven en Mallorca un plan para o fomento e a mellora do uso do catalán na residencia de maiores La Bonanova
O Consell informou que está a desenvolver o Plan de actuacións para o fomento e a mellora do uso da lingua catalá na residencia La Bonanova.
Fonte: 20minutos
O 80,4 % dos exames da selectividade da Universidade das Illas Baleares contestouse en catalán
O 80,4 % dos exames das probas de acceso á Universidade das Illas Baleares contestouse en catalán, informa a institución docente, que apunta que o dato representa unha estabilización do uso desta lingua en valores considerablemente altos.
Fonte: Diario de Mallorca
Boletín
Subscríbase ao boletín
