Navarra
O Departamento navarro de Saúde implanta un sistema de videointerpretación da lingua de signos
O Departamento de Saúde do Goberno de Navarra vai implantar no Hospital Reina Sofía de Tudela un sistema de videointerpretación da lingua de signos co fin de favorecer a accesibilidade á información e á comunicación das persoas xordas e favorecer a igualdade de oportunidades deste colectivo no acceso á saúde.
Fonte: La Información
Centos de persoas reclaman en Tafalla a oficialidade do éuscaro
En vésperas do 28º aniversario da Lei do éuscaro, centenares de persoas reivindicaron en Tafalla o dereito a estudar e vivir en éuscaro. A choiva non impediu que multitude de familias se botasen á rúa baixo o lema Muros mais altos caeron. Polo dereito a estudar en éuscaro, para esixir a fin da zonificación.
Fonte: Noticias de Navarra
O colectivo navarro Errigora vende cestas de produtos locais a favor do éuscaro
Cos obxectivos de promover a euscaldunización do sur navarro e a de facilitar o consumo de produtos locais e impulsar a súa produción naceu o ano pasado a campaña de inverno de Errigora, que consiste na distribución e venda de cestas cheas de artigos gastronómicos da zona. Preto do 25 % da recadación destinarase á melloría da situación do éuscaro no sur de Navarra.
Fonte: Noticias de Navarra
Concédenlles axudas a 10 entidades de Pamplona en 2014 para actividades en éuscaro
O Concello de Pamplona concedeu axudas en 2014 a dez entidades da cidade para a realización e programación de actividades culturais e artísticas en éuscaro dirixidas tanto ao público adulto como ao infantil.
Fonte: Diario de Navarra
A poboación bilingüe, que fala e entende éuscaro, aumenta en todas as zonas de Navarra
O conselleiro de Educación do Goberno de Navarra, José Iribas, puxo de manifesto que “o incremento da poboación bilingüe (castelán-éuscaro) é unha realidade, sobre todo nas idades novas”, pero que “se constata que hai un escaso reflexo no uso do éuscaro en casa”.
Fonte: Noticias de Navarra
Espérase un crecemento no número de matrículas para a educación en éuscaro en Navarra
Dada a tendencia á alta das matrículas do modelo D dos últimos anos e os bos resultados obtidos polos estudantes deste modelo, espérase un incremento dos nenos de 3 anos na educación en éuscaro en Navarra.
Fonte: Noticias de Navarra
O uso e coñecemento do éuscaro reduciuse na zona vascófona de Navarra e aumentou na mixta e na non vascófona
O Mapa Lingüístico do Goberno de Navarra descubriu que o uso e coñecemento do éuscaro descendeu na zona vascófona, aínda que o número total de falantes desta lingua na comunidade aumentou.
Fonte: EiTB
A campaña Mintzakide combina tempo libre con éuscaro na comarca navarra de Sakana
O obxectivo da campaña é que os alumnos de éuscaro poidan practicar a lingua mentres socializan e o pasan ben.
Fonte: Noticias de Navarra
Un servizo de videointerpretación de lingua de signos facilitará a comunicación no hospital Reina Sofía de Tudela
Un servizo de videointerpretación de lingua de signos comezou no hospital Reina Sofía de Tudela para facilitar a comunicación e o acceso aos servizos sanitarios das persoas xordas.
Fonte: Europa Press
O Parlamento de Navarra amplía o modelo de educación en éuscaro a toda a comunidade
O Parlamento de Navarra aprobou a modificación da Lei do éuscaro para permitir a ampliación do modelo D (de educación en éuscaro) a toda a comunidade de acordo coa súa demanda.
Fonte: Noticias de Navarra
Boletín
Subscríbase ao boletín
