Navarra
O Goberno de Navarra certificará o nivel de éuscaro a través de certificados adaptados ao marco europeo das linguas
O Goberno de Navarra vai crear novos certificados de acreditación do nivel de éuscaro que se adapten ao marco europeo das linguas e que sirvan como estándar para todas as administracións.
Fonte: 20 minutos
A demanda de prazas en éuscaro para nenos entre 0 e 3 anos supera a oferta das escolas en Pamplona
As únicas dúas escolas infantís de Pamplona que ofrecen prazas en éuscaro reciben un número de solicitudes de escolarización moi superior ás prazas que teñen dispoñibles. En concreto, queda fóra un de cada catro nenos.
Fonte: Noticias de Navarra
Entréganse os premios á creatividade en éuscaro do alumnado da Mancomunidade de Sakana en Navarra
O certame María Markotegi de creatividade en éuscaro celebrado na Mancomunidade de Sakana entregou os seus premios aos estudantes que participaran.
Fonte: Noticias de Navarra
O concello navarro de Sarriguren promoverá o éuscaro entre os nenos con campamentos de verán
A localidade Navarra de Sarriguren anunciou a súa nova campaña de promoción do éuscaro entre os nenos, que consistirá en campamentos urbanos de verán desenvolvidos nesta lingua.
Fonte: Sarriguren web
A localidade navarra de Falces celebrou unha festa para reivindicar o éuscaro
A localidade navarra de Falces celebrou unha nova edición da festa Euskararen Eguna que reivindica a normalización do éuscaro nas localidades pertencentes á zona non vascófona de Navarra.
Fonte: Noticias de Navarra
O laboratorio farmacéutico CINFA recibe un premio pola súa promoción do éuscaro no ámbito farmacéutico
O premio Feuseren Farnaburua, entregado pola Asociación de farmacéuticos euscaldúns, recaeu no laboratorio farmacéutico CINFA polo seu labor de impulso e promoción do éuscaro, con accións como a participación no Dicionario dixital de farmacia en éuscaro.
Fonte: Noticias de Navarra
Unha asociación de pais e nais de Pamplona tramita unha denuncia para dispoñer de escolas en éuscaro
Un total de 466 pais e nais de Pamplona tramitaron unha demanda a través da plataforma Iruñeko Euskalgintza para demandar a presenza de escolas de infantil nos distintos barrios da cidade para que os seus fillos poidan estudar en éuscaro.
Fonte: Noticias de Navarra
Veciños do municipio navarro de Etxari Aranatz demandan ser atendidos polo seu médico en éuscaro
Un total de 592 veciños da localidade navarra de Etxari Aranatz asinaron unha petición para reivindicar o seu dereito a ser atendidos en éuscaro no centro de saúde local.
Fonte: Noticias de Navarra
O modelo de educación en éuscaro terá maior presenza no territorio navarro
O novo Goberno de Navarra quere estender o modelo de educación D (en éuscaro) a todo o territorio da comunidade, xa que na actualidade as zonas mixta e non vascófona non ofrecen a posibilidade de estudar nesta lingua.
Fonte: El Diario
O Concello navarro de Ansoáin concédelles axudas económicas aos campamentos de verán en éuscaro
A convocatoria para a concesión de axudas económicas destinadas aos campamentos de verán en éuscaro contará cunha partida de 12 100 euros.
Fonte: Pamplona Actual
Boletín
Subscríbase ao boletín
