Navarra
A Federación Navarra de Ikastolas defende a educación en éuscaro na zona non vascófona
A federación Navarra móstrase a favor da educación en éuscaro e asegura un modelo exclusivo de inmersión lingüística nos seus centros.
Fonte: Noticias de Navarra
A convivencia de modelos lingüísticos xera discrepancias entre os partidos políticos navarros
Aínda que a maioría dos partidos navarros apoian a convivencia de distintos modelos lingüísticos nun mesmo centro, algún afirma que a separación favorecería a "inmersión lingüística".
Fonte: Noticias de Navarra
O modelo lingüístico en éuscaro é xa o maioritario nas escolas infantís de Pamplona
Dúas escolas infantís municipais máis incorporarán o modelo lingüístico en éuscaro, co que as prazas nesta lingua se elevan a 409, mentres que en castelán haberá 337 e en castelán con inglés, 336.
Fonte: Navarra.com
O Instituto Navarro do Éuscaro avoga por un novo decreto foral que trate por igual o éuscaro e o castelán
Mikel Arregi, director xerente do instituto Euskarabidea, avoga por unha política que lle garanta á cidadanía os seus dereitos lingüísticos ante as Administracións públicas.
Fonte: El Diario
O Pleno do Parlamento de Navarra acorda ter en conta as recomendacións europeas sobre política lingüística
Apróbase por unanimidade que a Cámara considere as recomendacións realizadas no informe de avaliación sobre a política lingüística dos estados do Consello de Ministros do Consello de Europa e a Comisión de Expertos.
Fonte: Pamplona Actual
Ponse en marcha unha campaña en Navarra para solicitar a opción de elixir estudos de FP en éuscaro
Varios colectivos solicitan que os impresos de prematrícula de Formación Profesional conten cunha cela que permita expresar a demanda en éuscaro para estes estudos.
Fonte: El Diario Vasco
Só o 0,7 % dos postos da Administración Foral de Navarra son bilingües
Descontando as prazas de Educación, as prazas con perfil de éuscaro na Administración de Navarra non alcanzan nin o 1 % do persoal.
Fonte: Noticias de Navarra
O Concello de Barañáin destina 13 500 euros a fomentar o éuscaro
O Concello de Barañáin asinou un convenio coa Fundación Sahats para impulsar o proxecto Bai Euskarari para 2016.
Fonte: Noticias de Navarra
Case o 38 % das familias de Pamplona demanda o modelo de inmersión lingüística só en éuscaro nas escolas infantís
O Concello de Pamplona acaba de abrir dúas novas escolas en éuscaro, o que supón o 27 % da oferta das escolas infantís de 0 a 3 anos, cantidade insuficiente se se ten en conta que o 37,7 % das familias demanda o modelo só en éuscaro ou éuscaro-inglés.
Fonte: Noticias de Navarra
Convócase en Pamplona unha manifestación a prol do éuscaro
Kontseilua, o Consello dos Organismos Sociais do Éuscaro, convocou unha mobilización para o vindeiro 4 de xuño en Pamplona co obxectivo de reivindicar unha política lingüística eficaz para esta lingua.
Fonte: Noticias de Navarra
Boletín
Subscríbase ao boletín
