Navarra

O Concello de Pamplona únese a unha plataforma para promover o éuscaro nas redes sociais

O Concello de Pamplona uniuse a BEITU!, unha plataforma de redes sociais en éuscaro para a mocidade de entre 14 e 18 anos. Grazas a BEITU!, os mozos e mozas poderán recibir e compartir contidos en lingua vasca vinculados ao lecer.

Fonte: Noticias de Navarra

Navarra

O Goberno navarro pensa aprobar un decreto que unifique as denominacións oficiais dos núcleos de poboación

O Goberno navarro tomará en consideración o proxecto de decreto polo que se establecen os criterios de uso e de expresión gráfica dos núcleos de poboación da Comunidade, co propósito de facerllo chegar ao Consello de Navarra para o seu ditame. O obxectivo desta norma é "unificar e regular" o uso dos nomes oficiais das localidades en éuscaro e castelán.

Fonte: Noticias de Navarra

Navarra

O Goberno de Navarra impulsa unha campaña para promover o "prestixio social do éuscaro"

O Goberno de Navarra impulsará a campaña "O éuscaro de todos e todas" durante o mes de decembro de 2017 para promover o "prestixio social" do idioma. O seu obxectivo, de acordo co Instituto Navarro do Éuscaro, será o de amosar a utilidade da lingua tanto no ámbito persoal como profesional.

Fonte: La Vanguardia

Navarra

O Goberno de Navarra incrementa as partidas para o ensino de éuscaro destinado a persoas adultas

A Comisión de Facenda e Política Financeira aprobou unha serie de emendas aos orzamentos para o departamento de Relacións Cidadás e Institucionais. Entre elas, salienta a emenda aprobada en relación co incremento de gastos por importe de 100 000 euros na partida "Axudas para o ensino de éuscaro a persoas adultas".

Fonte: Noticias de Navarra

Navarra

Pamplona acolle unha manifestación multitudinaria en defensa da lingua vasca

Centos de persoas participaron nunha manifestación en defensa da lingua vasca e da lista única en educación. A mobilización, celebrada baixo o lema "Dean paso ao éuscaro. Pola igualdade", percorreu as rúas de Pamplona para demandar respecto para esta lingua e igualdade na vindeira Oferta Pública de Emprego de mestres de 2019 mediante unha lista única.

Fonte: Noticias de Navarra

Navarra

O Concello de Pamplona concederá máis de 80 000 euros a quince entidades sen ánimo de lucro que fomenten o éuscaro

O Concello de Pamplona repartirá 82 500 euros entre quince entidades sen ánimo de lucro para que desenvolvan proxectos dirixidos ao fomento da lingua vasca. Cómpre mencionar que a cantidade achegada para estas axudas se incrementou nun 27 % respecto á convocatoria anterior.

Fonte: Noticias de Navarra

Navarra

Unha campaña promove a escolarización en éuscaro en Navarra

A campaña "Elixe educación en éuscaro, elixe modelo D", impulsada por Euskarabidea e outras 24 entidades navarras, ten como obxectivo fomentar a escolarización en éuscaro para o curso 2018-2019.

Fonte: El Diario

Navarra

O Tribunal Superior de Xustiza de Navarra rexeita o recurso contra o decreto do éuscaro na Administración

O Tribunal Superior de Xustiza de Navarra rexeitou o recurso presentado polo sindicato Afapna contra o decreto polo que se regula o uso do éuscaro nas administracións públicas. O Tribunal entende que o sindicato non acreditou os supostos prexuízos irreparables que ocasionaría a execución do decreto.

Fonte: Noticias de Navarra

Navarra

O Goberno de Navarra impulsa unha campaña para consolidar o valor do éuscaro

O Goberno de Navarra, a través de Euskarabidea (Instituto Navarro do Éuscaro), impulsou a campaña "O éuscaro ten valor. Euskarak balio du", que ten como obxectivo "reforzar o valor do éuscaro e presentar esta lingua propia de Navarra como elemento cultural positivo e de futuro, que suma, enriquece e achega".

Fonte: Noticias de Navarra

Navarra

Publícanse no Arquivo de Navarra os manuscritos do príncipe Luís Luciano Bonaparte en éuscaro

A colección de manuscritos sobre a lingua vasca e os seus dialectos, recompilados por Luís Luciano Bonaparte a mediados do século XIX, fixéronse públicos no Arquivo Real e Xeral de Navarra, de xeito que se poden consultar no buscador web "Arquivo Aberto" no portal institucional do Goberno de Navarra. Do total de 134 manuscritos, 118 son en éuscaro e o resto noutras linguas como, entre outras, castelán, francés, latín ou provenzal.

Fonte: Noticias de Navarra

Navarra

Boletín

Subscríbase ao boletín

Logo Feder