País Vasco
O Departamento vasco de Cultura presenta 14 novos dicionarios e a versión renovada de Euskalterm
A Viceconsellería de Política Lingüística do Goberno vasco publicou 14 novos dicionarios terminolóxicos aprobados pola Comisión de Terminoloxía do Consello Asesor do Éuscaro. Ademais, completou a nova versión do Banco Terminolóxico Público Vasco Euskalterm, utilizando diferentes interfaces e dotándoo de novas funcións.
Fonte: Europa Press
O 70 % dos guipuscoanos que se presenta á selectividade realizará o exame en éuscaro
As probas de acceso á universidade inícianse o mércores día 8 de xuño en Euskadi e 3191 alumnos guipuscoanos presentaranse aos exames de selectividade. Destes, 2201 (o 70 %) farán a proba en éuscaro, mentres que os 856 restantes a realizarán en castelán.
Fonte: Noticias de Gipuzkoa
A Radio Televisión Vasca (EiTB) aposta pola promoción do éuscaro
Desde os seus inicios, EiTB asumiu o compromiso de impulsar o emprego e a normalización do éuscaro entre a sociedade vasca.
Fonte: EiTB
Euskaltzaindia publica a súa listaxe de nomes oficiais das vilas vascas
Euskaltzaindia, a Academia da Lingua Vasca, presentou o seu “Euskal Herriko Udalen Izendegia” (Nomenclátor de municipios de Euskal Herria), que inclúe as denominacións das vilas de todos os territorios do éuscaro: Comunidade Autónoma de Euskadi, Navarra e Iparralde.
Fonte: Diario Vasco
Aumenta o número de usuarios que emprega as TIC en éuscaro
O número de usuarios que emprega as novas tecnoloxías da información e da comunicación (TIC) na lingua vasca duplicouse nos dez últimos anos, acadando os 200.000 internautas. A conselleira de Cultura, Blanca Urgell, presentou no Parlamento vasco o informe EPBN: Indicadores sobre a situación e evolución do éuscaro.
Fonte: El País
Microsoft adapta tres novos produtos de software ao éuscaro
A partir de agora as ferramentas Office 2010, Sharepoint 2010, Dynamics CRM 2011 e CRM Online estarán dispoñibles en éuscaro e poderanse descargar desde as webs www.microsoft.es/eus e www.euskara.euskadi.net/euakara_soft.
Fonte: ABC
O Parlamento vasco rexeita "as medidas sancionadoras e coercitivas no ámbito lingüístico"
O Parlamento vasco reafirmouse na necesidade de "eliminar as medidas coercitivas e sancionadoras no ámbito lingüístico", un pronunciamento que se produce un día despois de que os socialistas rexistrasen unha iniciativa para suprimir definitivamente as sancións ás empresas que non rotulen e atendan en éuscaro.
Fonte: 20minutos
PuntuEus anuncia que pedirá o dominio .eus para o éuscaro en internet
Este anuncio prodúcese despois de que a Corporación de Internet para a Asignación de Nomes e Números (ICANN), reunida en Singapur, decidise abrir, a partir do vindeiro 12 de xaneiro de 2012, o proceso para solicitar novos dominios xenéricos de primeiro nivel.
Fonte: ABC
O Parlamento vasco rexeita restarlle peso ao éuscaro na nova oferta pública de emprego (OPE) de Sanidade
O Parlamento vasco rexeita restarlle peso ao éuscaro na nova oferta pública de emprego (OPE) que Osakidetza (o departamento de Sanidade) está a punto de convocar.
Fonte: Diario Vasco
Preséntase a campaña de barnetegis de verán, unha oportunidade de vivir en éuscaro durante as 24 horas do día
O Goberno vasco, o instituto HABE e os Euskaltegis presentaron a campaña de matriculación dos barnetegis de verán "Uda Barnetegiak. Aberto en vacacións". Os responsables animaron a todos os que queiran mellorar o seu nivel de éuscaro a participar na iniciativa, xa que os barnetegis ofrecen a oportunidade de vivir nesta lingua durante as 24 horas do día.
Fonte: Europa Press
Boletín
Subscríbase ao boletín
