País Vasco
O Parlamento vasco rexeita restarlle peso ao éuscaro na nova oferta pública de emprego (OPE) de Sanidade
O Parlamento vasco rexeita restarlle peso ao éuscaro na nova oferta pública de emprego (OPE) que Osakidetza (o departamento de Sanidade) está a punto de convocar.
Fonte: Diario Vasco
Preséntase a campaña de barnetegis de verán, unha oportunidade de vivir en éuscaro durante as 24 horas do día
O Goberno vasco, o instituto HABE e os Euskaltegis presentaron a campaña de matriculación dos barnetegis de verán "Uda Barnetegiak. Aberto en vacacións". Os responsables animaron a todos os que queiran mellorar o seu nivel de éuscaro a participar na iniciativa, xa que os barnetegis ofrecen a oportunidade de vivir nesta lingua durante as 24 horas do día.
Fonte: Europa Press
San Sebastián aproveitará a súa capitalidade cultural para impulsar a lingua e cultura vascas
O alcalde de San Sebastián, Juan Carlos Izagirre, asegurou que se impulsará a lingua e a cultura vascas con motivo da capitalidade cultural da cidade en 2016.
Fonte: ABC
As colonias urbanas en éuscaro son as máis demandadas en Bilbao
As colonias infantís organizadas polo Concello de Bilbao darán comezo neste mes. Co 100 % das prazas ocupadas, 1570 rapaces e rapazas bilbaínas gozarán de diversas actividades destinadas ao coñecemento dos bosques. As prazas en éuscaro foron as máis demandadas, cun 87% das solicitudes no programa Udalekuak, para nenos entre 6 e 12 anos.
Fonte: Deia
O 50 % dos ertzainas liberados acada o perfil de éuscaro do seu posto
Ata o pasado mes de xuño, o total de ertzainas que teñen acreditado o perfil lingüístico da súa dotación é de 2.760, é dicir, o 34,5 por cento do total.
Fonte: ABC
Un videoxogo facilitaralle á mocidade aprender éuscaro
Un cóctel de música e videoxogos facilitaralles a aprendizaxe do éuscaro aos mozos da comarca de Getxo de entre 16 e 25 anos. Esa combinación efectuouna a antropóloga australiana Philippa Bar, gañadora do concurso de ideas ao que presentou esa proposta que agora está en fase de elaboración e concluirá para xaneiro de 2012.
Fonte: El Correo
Ermua organiza unha nova edición do concurso de postais en éuscaro
Trátase dun concurso de postais en éuscaro cuxo obxectivo é o de animar a poboación para que utilice este idioma nas comunicacións informais e escritas. Por isto, a convocatoria busca que os ermuarras que o desexen envíen unha postal escrita en éuscaro desde os seus lugares de veraneo ou descanso.
Fonte: El Correo
Restauran os tres primeiros filmes concibidos e realizados en éuscaro
Este ano, as tres primeiras películas da historia do cine “concibidas e realizadas integramente en éuscaro” verán a luz grazas a un ímprobo traballo de restauración centrado na imaxe e no son, que se atopaban moi deteriorados.
Fonte: Noticias de Navarra
Oito de cada dez vascos está a favor do ensino trilingüe na educación
Un 81 % da poboación valora positivamente o proxecto de ensino trilingüe (en éuscaro, castelán e inglés) do Departamento de Educación do Goberno Vasco. O estudo realizado por esta institución sinala, ademais, que un terzo da poboación escribe e fala inglés.
Fonte: Aprende+
Un total de 26 autoescolas de Guipúscoa ofrece a posibilidade de facer o exame teórico en éuscaro
Un total de 26 autoescolas de Guipúscoa ofrece a posibilidade de formarse e realizar o exame teórico en éuscaro. Polo momento, os aspirantes non poderán facer o propio co exame práctico, aínda que é previsible que a DXT dea o seu visto e prace neste sentido.
Fonte: Noticias de Gipuzkoa
Boletín
Subscríbase ao boletín
