País Vasco
O Goberno vasco quere reducir o número de certificados de éuscaro
Necesitáronse case dous anos, tres decretos e moitísimas horas de traballo para pór un pouco de orde na maraña de títulos e certificacións acreditativos do coñecemento do éuscaro que se foron creando e superpoñendo nas últimas décadas.
Fonte: Diario Vasco
O Consello Asesor comeza a revisar o Plan de promoción e uso do éuscaro
O Consello Asesor do Éuscaro comezou a revisar o Plan xeral de promoción e uso do éuscaro, nun encontro no que se analizaron cuestións coma a transmisión da lingua vasca ou o seu uso na Administración e nas tecnoloxías da información e a comunicación (TIC).
Fonte: 20 Minutos
O Consello Asesor do Éuscaro prepara unha nova política lingüística
O Consello Asesor do Éuscaro revisou o antigo plan e acordou as bases para a política lingüística dos vindeiros anos. A partir de aí o Consello Asesor debe deseñar "un plan xeral conformado por medidas concretas que sexan viables e eficaces", aseguraron desde a Consellería de Política Lingüística do Goberno vasco.
Fonte: EiTB
Euskadi reivindica a súa lingua co Korrika, unha carreira a favor do éuscaro
O Korrika é unha carreira a favor do éuscaro que percorre o País Vaso. A edición deste 2011, que se realizará do 7 ao 17 de abril, preséntase en Barcelona en forma de mostra cultural que inclúe coloquios, documentais, música e gastronomía. O tema desta edición do Korrika-Barcelona é “O éuscaro e as linguas minoritarias”.
Fonte: El Periódico
A Deputación Foral de Biscaia crea un portal de internet para promover o éuscaro biscaíño
O novo portal de internet en éuscaro biscaíño, www.bizkaiera.biz, posto en marcha pola Deputación Foral de Biscaia e o Instituto Labayru, alberga testemuños orais e escritos dirixidos especificamente a persoas que se expresen neste dialecto.
Fonte: ABC
Euskaltzaindia recibiu máis de 835.000 consultas lingüísticas por internet
O servizo de consultas lingüísticas sobre usos correctos do éuscaro por internet de Euskaltzaindia, Jagonet, recibiu na súa primeira década en funcionamento un total de 835.000 solicitudes de asesoramento, das cales 140.443 foron en 2010.
Fonte: ABC
O Goberno vasco outorgaralle a unha trintena de empresas o Certificado de Calidade na Xestión Lingüística
O Boletín Oficial do País Vasco publicou a orde pola que se establecen as bases do proceso de avaliación externa 'Bikain' (Certificado de Calidade na Xestión Lingüística), e na que se abre o prazo de solicitude deste servizo de avaliación para a edición de 2011, ao que optan 30 organizacións como máximo.
Fonte: Europa Press
Sete de cada dez escolares de educación infantil estudan en éuscaro
As cifran resultan elocuentes porque sete de cada dez nenos que cursaron educación infantil en Euskadi durante o curso 2009-2010 fixérono no modelo D, dominado polas clases en éuscaro. O modelo B foi a segunda opción, cun 24% do alumnado, e só un 4% seguiu os estudos no modelo A, segundo Eustat.
Fonte: Noticias de Gipuzkoa
O Instituto Etxepare destinará 1,3 millóns de euros á difusión internacional da lingua vasca
O Instituto Etxepare destinará 1,3 millóns de euros, o 48% do seu orzamento, a axudas para a difusión internacional da cultura vasca. Uns 751.359 destinaranse a promover a produción no exterior e 600.000 a consolidar e abrir programas de lectorados, cátedras e bolsas en prestixiosas universidades do mundo.
Fonte: Diario Vasco
Caja Laboral e cinco municipios guipuscoanos comprométense a fomentar o éuscaro
Os concellos guipuscoanos de Andoain, Astigarraga, Hernani, Lasarte e Urnieta subscribiron un convenio con Caja Laboral para fomentar o emprego do éuscaro.
Fonte: ABC
Boletín
Subscríbase ao boletín
