País Vasco
A Deputación de Biscaia anuncia cinco millóns de euros máis para impulsar o éuscaro
O deputado xeral de Biscaia, José Luis Bilbao, sorprendeu ao anunciar que a institución foral destinará unha partida extra de cinco millóns de euros dirixida a impulsar o éuscaro.
Fonte: Deia
A metade dos vitorianos non fala nin entende éuscaro
O 43 % dos vitorianos manéxase con maior ou menor dificultade en éuscaro. O resto «non o fala nada», segundo unha análise sobre o coñecemento deste idioma recollido polo Concello de Vitoria do Instituto Vasco de Estatística (Eustat).
Fonte: El Correo
Guipúscoa alerta da necesidade de revitalizar a cultura en éuscaro
A cultura en éuscaro necesita revitalizarse. Tal é o diagnóstico que se extrae dun estudo presentado en San Sebastián pola Deputación de Guipúscoa que alerta da necesidade de que institucións e axentes sociais traballen en común para lograr revitalizar a situación actual da cultura que se produce, difunde e transmite en lingua vasca.
Fonte: El País
O Instituto Francés abre un local en Bilbao para promover a súa cultura e idioma
O Instituto Francés abrirá en xaneiro de 2011 un local en Bilbao co fin de promover a cultura francesa na capital biscaíña, o ensino da súa lingua e o intercambio intelectual, artístico e económico entre a República e a cidade.
Fonte: ABC
O Departamento de Cultura do Goberno vasco ofrece 30 películas gratis en éuscaro para ver en internet
A oferta de cine en éuscaro incrementarase a partir do 22 de decembro coa oferta gratuíta en streaming de 30 películas a través das webs www.kulturklik.net e www.eitb.com.
Fonte: El País
O Partido Socialista vasco quere que o Instituto Etxepare promova o éuscaro fóra de Euskadi
O grupo parlamentario socialista avoga por que sexa o Instituto Etxepare o que canalice a promoción do éuscaro fóra da Comunidade Autónoma de Euskadi e que xa non se renoven as axudas económicas directas ás ikastolas do País Vasco francés.
Fonte: ABC
A Deputación de Guipúscoa destina dous millóns de euros para fomentar o éuscaro en 2011
A Deputación de Guipúscoa manterá para 2011 a contía destinada a axudas para a normalización e fomento do éuscaro, que ascende a 2.019.490 euros.
Fonte: ABC
O Goberno vasco fomentará con 100.000 euros o uso do éuscaro no Condado de Treviño
O Goberno vasco aprobou dúas propostas da conselleira de Cultura, Blanca Urgell, para a concesión de dúas subvencións, de 50.000 euros cada unha, ao Concello de La Puebla de Arganzón e ao Concello de Condado de Treviño para o fomento do éuscaro nos devanditos municipios burgaleses.
Fonte: Europa Press
Unha publicación do Centro de Estudos Galegos da Universidade do País Vasco mostra o diálogo cultural entre Galicia e Euskadi
A obra, Galicia en Euskadi, foi presentada nas xornadas de formación para os lectores de galego que vén de organizar a Secretaría Xeral de Política Lingüística.
Fonte: Xunta de Galicia
O Goberno vasco destinará 11 millóns de euros a financiar os euskaltegis municipais
O Goberno vasco e Eudel (Asociación de Municipios Vascos) asinaron un acordo sobre o financiamento dos euskaltegis municipais para o curso 2010-2011, polo que o Executivo destinará 11.282.350 de euros ao custo dos soldos brutos e á antigüidade dos profesores.
Fonte: Europa Press
Boletín
Subscríbase ao boletín
