País Vasco
O Concello de Agurain ofrece un terzo da súa oferta deportiva para adultos en éuscaro
Un terzo da oferta deportiva de Agurain destinada a persoas adultas para o curso 2024/2025 será en éuscaro, mentres que a oferta infantil está garantida ao 100 % nesta lingua.
Fonte: Ayuntamiento de Agurain
O Concello de Portugalete aproba un plan de éuscaro centrado na mocidade
O plan aprobado para o período 2024-2027 en Portugalete inclúe un programa para fomentar o uso do éuscaro entre a mocidade no seu tempo libre.
Fonte: Tele 7
O Goberno vasco destina case un millón de euros á creación de material didáctico en éuscaro
O Consello de Goberno aprobou a convocatoria EIMA, que destina 985 000 euros á produción de materiais didácticos en éuscaro para niveis educativos non universitarios. Esta convocatoria subdivídese en tres modalidades: materiais impresos, materiais dixitais e materiais impresos.
Fonte: Gobierno Vasco
O Goberno vasco impulsa o consumo das redes sociais en éuscaro entre a mocidade
O Consello de Goberno aprobou unha subvención de 150 000 euros para Arabako Ikusentzunezko SLU co proxecto Tximist, destinado a fomentar o consumo de contidos en éuscaro entre a mocidade de 18 a 25 anos en redes sociais e plataformas como Spotify.
Fonte: Gobierno Vasco
A Deputación Foral de Áraba aproba o seu novo Plan de normalización do uso do éuscaro
O Consello de Goberno Foral aprobou o novo Plan Estratéxico de Normalización do Uso do Éuscaro 2023-2027, que busca avanzar no uso desta lingua tanto nos servizos á cidadanía como nas tarefas internas. Este plan servirá como ferramenta para actualizar e seguir os criterios de uso das linguas oficiais na institución.
Fonte: Radio Llodio
Tres establecementos comerciais de Vitoria-Gasteiz reciben un premio polo seu apoio ao éuscaro
O Concello de Vitoria-Gasteiz premiou por sorpresa dous comercios e unha asociación polo seu labor diario a prol do éuscaro.
Fonte: El Correo
A plataforma de streaming en éuscaro PRIMERAN acada a cifra dos 100 000 subscritores
O ano pasado nacía PRIMERAN, a maior plataforma de streaming en éuscaro. En tan só 10 meses, o servizo conseguiu acadar a cifra dos 100 000 subscritores/as, un éxito que se suma aos premios que recibiu an varios foros.
Fonte: eitb.eus
O Goberno Vasco eleva a un B2 o nivel esixido de éuscaro para a ESO
O Goberno Vasco, a través da súa lei 17/2023, eleva a un B2 o nivel de éuscaro para o alumnado que remate o ensino secundario obrigatorio. A medida entrará en vigor o próximo curso académico.
Fonte: Gasteiz Hoy
O Concello de Bilbao impulsa o uso social do éuscaro cunha campaña de comercio e hostalaría
O Concello de Bilbao deu inicio á campaña Euskaraz Barra-Barra para impulsar o uso social do éuscaro no comercio e na hostalaría.
Fonte: Bilbao.eus
Convócase por segunda vez o premio Kiroletik Bagoaz Euskaraz para recoñecer boas prácticas que fomenten o éuscaro no deporte
O Goberno vasco convoca por segunda vez o premio Kiroletik Bagoaz Euskaraz, destinado a recoñecer boas prácticas que fomenten o uso do éuscaro no deporte. O galardón premia persoas, asociacións ou grupos que traballen pola normalización do éuscaro neste ámbito.
Fonte: Gobierno Vasco
Boletín
Subscríbase ao boletín
