España
O Concello de Bermeo ofrece axudas aos establecementos comerciais para que coloquen rótulos en éuscaro
Os establecementos comerciais de Bermeo poderán recibir unha axuda de ata 300 euros por colocar os rótulos en éuscaro. Trátase dunha iniciativa do concello que ten como obxectivo fomentar o uso desta lingua no ámbito comercial e empresarial.
Fonte: Radio Popular
Segundo un informe, o 65 % da poboación de Cataluña, Baleares e a Comunidade Valenciana considera que fala ben o catalán
Segundo o InformeCAT que publica anualmente Plataforma per la Llengua, o 95 % da poboación de Cataluña, a Comunidade Valenciana e as illas Baleares considera que fala ben o castelán, porcentaxe que baixa ata o 65,1 % no caso do catalán.
Fonte: El Periódico
Publícase o primeiro manual para facilitar o uso do asturiano na Administración pública
O Principado elaborou o Manual de llinguaxe alministrativu en llingua asturiana que ten como obxectivo dotar o persoal da Administración dunha ferramenta de normalización léxica e lingüística que inclúe documentos como requirimentos, resolucións, declaracións responsables, anuncios, bases reguladoras, certificacións, licenzas, actas etc.
Fonte: La Voz de Asturias
O novo decreto de normalización do uso do éuscaro no sector público vasco afectará a 146 300 traballadores
O lehendakari informou no pleno de control do Parlamento vasco de que o novo decreto de normalización do uso do éuscaro na Administración afectará a 146 300 traballadores, o que supón case cinco veces máis que o actual.
Fonte: Deia
Segundo os datos do Consorcio para a Normalización Lingüística, medra o interese por aprender catalán
O Consorcio para a Normalización Lingüística fixo balance do 2022, ano no se aprecia un crecente interese polos cursos de catalán, nos que se produciu un incremento de inscricións alta alcanzar case as 93 000.
Fonte: Generalitat de Catalunya
O catalán incorpórase ao proxecto AudioPaLM impulsado por Google, que permitirá traducións automáticas de voz a voz
Google acaba de presentar AudioPaLM, unha ferramenta que permitirá desenvolver aplicacións concretas de recoñecemento de voz e mesmo tradución de voz a voz e na que o catalán ten soporte de primeiro nivel polo seu elevado nivel de recursos.
Fonte: Generalitat de Catalunya
O centro especial de emprego Indesa 2010 de Áraba mostra o seu compromiso co éuscaro
O centro especial de emprego Indesa 2010, que forma parte da rede Xedera, aposta polo impulso e a utilización do éuscaro e o dereito á aprendizaxe desta lingua como elemento de inserción laboral, que se plasma na chamada 'Declaración de Arbulo'.
Fonte: La Vanguardia
Os cines de Cataluña acollerán este verán seis grandes estreas en catalán
Este verán estrearanse seis grandes filmes en Cataluña dobrados ao catalán, o primeiro deles Indiana Jones i el dial del destí, como resultado da aposta do Goberno da comunidade polo fomento desta lingua no audiovisual.
Fonte: Generalitat de Catalunya
Un novo decreto regulará o sistema de avaliación, acreditación e recoñecemento do nivel de éuscaro nas entidades públicas e privadas
O Goberno vasco aprobou un novo decreto que regula o sistema de avaliación, acreditación e recoñecemento do nivel de desenvolvemento do éuscaro na actividade e xestión de entidades públicas e privadas, co que se pretende avanzar cara á normalización desta lingua nas institucións.
Fonte: Gobierno Vasco
Bimenes acolle a celebración da Semana Cultural pola Oficialidade do Asturiano
A Semana Cultural pola Oficialidade do Asturiano chega á súa edición número 27 cun variado programa de actividades para todos os públicos.
Fonte: Asturies.com
Boletín
Subscríbase ao boletín
