A partida para a promoción do asturiano ascende a 2 535 701 euros para o 2023, fronte aos 2 205 441 deste ano. Malia o incremento, segue a representar o 0,04 % do total do orzamento.

Fonte: La Voz de Asturias

A campaña "Eskatu, eskaini euskaraz" ten como obxectivo fomentar o uso do éuscaro nos establecementos comerciais e hostaleiros. Un total de 124 municipios vascos e as tres deputacións forais, así como mancomunidades e asociacións de comercio e hostalería sumáronse este ano á iniciativa.

Fonte: Gobierno Vasco

A xornada «Seronda Moza» celebrouse en Llanera e está dirixida a mozos e mozas dos 16 aos 35 anos. Trátase dunha iniciativa que ten como obxectivo achegarlle a lingua asturiana a este colectivo a través da cultura e o lecer.   

Fonte: AsturNews

O maior dicionario de lingua aragonesa, froito de máis de doce anos de traballo, recolle máis de 90 000 entradas en 2500 páxinas. Cada entrada acompáñase das súas equivalencias en castelán e catalán, e conta, ademais, con información gramatical, etimoloxía e, no caso de animais e vexetais, nome científico.

Fonte: Aragón Cultura

Iniciativa pol Asturianu presentoulle un escrito á sociedade Inspección Técnica de Vehículos de Asturias S.A. para esixirlle o uso do asturiano e do galego-asturiano nos carteis e na información das distintas estacións do Principado.  

Fonte: La Nueva España

A situación do catalán é unha prioridade para o Goberno de Cataluña polo que quere impulsar unha nova política lingüística que asegure o seu futuro, así como o do aranés e o da lingua de signos catalá. Para iso, iniciou un proceso de traballo cuxo resultado é unha listaxe de 100 medidas de carácter transversal para fomentar o catalán en todos os ámbitos.

Fonte: Generalitat de Catalunya

As novidades do ano 2022 do Diccionari de la llengua catalana (DIEC) supoñen a incorporación de 21 palabras novas, como trans, feminicidi  ou negacionisme, así como 70 locucións e varias modificacións.

Fonte: Nius

As consellerías de Educación e Xustiza conseguiron un acordo sobre o nivel de coñecemento de valenciano que deberá acreditarse para acceder a un posto na Administración pública desta comunidade.  O acordo deixa fóra o persoal sanitario, para o que será un mérito, e o persoal docente, que ten a súa propia regulación.

Fonte: Valencia Plaza

Sete marcas da industria automobilística (Cupra, Ford, Lexus, Mazda, Seat, Tesla e Toyota) publicaron en catalán os manuais de instrucións dos seus vehículos grazas ao contacto da Secretaría de Política Lingüística cos principais fabricantes para incrementar o uso desta lingua nos seus produtos e servizos.

Fonte: Generalitat de Catalunya

Estes encontros reuniron máis de 100 axentes do sector do éuscaro de Biscaia para compartir opinións sobre a situación da lingua vasca neste territorio, así como reflexionar sobre as estratexias para afrontar os retos do futuro e analizar posibilidades de colaboración.  

Fonte: La Vanguardia