España
Un folleto recompila máis de 200 topónimos do municipio de Yésero
A Dirección Xeral de Política Lingüística do Goberno de Aragón e a Comarca do Alto Gállego colaboraron co Concello de Yésero na creación dun folleto da toponimia deste municipio. Con este traballo dáse a coñecer como era e como é o uso da lingua aragonesa, consérvase o patrimonio inmaterial e establécese a forma oficial das denominacións que sempre se usaron para referirse ao territorio.
Fonte: Diario del Alto Aragón
O TERMCAT presenta unha nova infografía interactiva coa terminoloxía do piano
A infografía foi elaborada coa colaboración de expertos do Museo da Música de Barcelona e da Escola Superior de Música de Cataluña (ESMUC) e inclúe 47 termos xerais e específicos que ilustran as partes do piano. Este material novo pode ser moi útil para os profesionais da música.
Fonte: Generalitat de Catalunya
Aumentan as axudas para fomentar as películas de gran formato e as series en catalán
O Departamento de Cultura da Generalitat de Cataluña destinará 36,9 millóns de euros ao sector audiovisual este ano para poñer en valor o seu cine e dobrará as axudas a series nesta lingua.
Fonte: La Vanguardia
Inaugúrase o portal Acadèmia Valenciana de la Llengua
A Biblioteca Virtual Miguel de Cervantes da Universidade de Alacant crea o portal Acadèmia Valenciana de la Llengua co obxectivo de acoller e difundir fondos, material e contidos científicos relacionados coa lingua, a literatura e a cultura valencianas.
Fonte: elperiodic.com
O Concello de Sagunto publica novas convocatorias de normalización lingüística do valenciano
As subvencións a empresas e asociacións que traballan en valenciano e os Premios Literarios Ciudad de Sagunto son as dúas convocatorias anuais que publica o Gabinete de Promoción do Valenciano do Concello de Sagunto e que estarán abertas ata o 25 de xullo. Con esta iniciativa, o departamento busca normalizar a lingua no ámbito cultural, asociativo e económico.
Fonte: elperiodic.com
ASUS xa ofrece atención ao cliente e manuais de uso en catalán
Os consumidores da empresa ASUS xa poden consultar en catalán os manuais de uso de catro dos produtos máis vendidos en España, recibir atención telefónica e acceder a un formulario en liña de apoio técnico no que poden requirir asistencia, facer reclamacións ou pedir información nesta lingua.
Fonte: Generalitat de Catalunya
Nace “Laba”, un local para fomentar o uso do éuscaro en Pamplona
Co obxectivo de aumentar o número de falantes de éuscaro en Pamplona, un grupo de mozos crea "Laba", un espazo que se localiza no centro da capital para chegar a un público maior e consolidar o uso desta lingua a través de actividades culturais moi variadas.
Fonte: elDiario.es
O colectivo Fala Ceibe do Bierzo dá a coñecer as súas propostas lingüísticas para o galego
O colectivo cultural Fala Ceibe presentou as súas demandas para enfrontar o afastamento que padecen os falantes do galego estremeiro.
Fonte: Consello da Cultura Galega
A Generalitat de Cataluña presenta un paquete de medidas para mellorar a situación do catalán na xustiza
Debido ao escaso uso do catalán na xustiza, acaba de presentarse un plan para reverter esta situación e garantir así os dereitos lingüísticos dos falantes desta lingua. Entre as medidas propostas destaca a constitución dun pacto nacional pola xustiza, cun grupo de traballo específico para cuestións lingüísticas; un código QR para interpoñer queixas por vulneración dos devanditos dereitos ou unha campaña de concienciación.
Fonte: Generalitat de Catalunya
O éuscaro é a lingua empregada en máis da metade das conversas das rúas de Tolosa
Segundo se desprende dos resultados da medición do uso das linguas na rúa de 2021, o uso do éuscaro incrementouse en Tolosa nos últimos 36 anos e alcanza case o 51 %, a porcentaxe máis alta desde que se realizan as medicións, e supera por vez primeira vez o castelán.
Fonte: Tolosako Udala
Boletín
Subscríbase ao boletín
