España
O Goberno de Navarra estuda posibles vías de participación no PERTE da nova economía da lingua
O Goberno navarro analizou co Ministerio de Asuntos Económicos e Transformación Dixital as posibles vías de participación de Navarra no Proxecto Estratéxico para a Recuperación e Transformación Económica (PERTE) da nova economía da lingua.
Fonte: Gobierno de Navarra
VoiceOver, o principal lector de pantalla de Apple para persoas con cegueira, xa está dispoñible en galego, catalán e éuscaro
VoiceOver, o principal lector de pantalla de Apple para persoas cegas ou con pouca visión, acaba de incorporar máis de vinte linguas, entre as que se atopan o galego, o éuscaro ou o catalán, así como o bengalí, o búlgaro, o ucraíno e o vietnamita.
Fonte: Generalitat de Catalunya
A Biblioteca de Asturias recibe a colección dixitalizada do histórico semanario en lingua asturiana «Les Noticies»
A Dirección Xeral de Política Lingüística do Principado promoveu a dixitalización das máis de 20 000 páxinas da publicación Les Noticies que ao longo de 16 anos (1996-2012) se converteu nun referente para os autores en lingua asturiana do momento. Agora forma parte dos fondos virtuais da Biblioteca de Asturias a colección de 770 exemplares deste semanario.
Fonte: La Voz de Asturias
Convócanse axudas dirixidas ás editoriais para a tradución de obras non literarias ao catalán
A Generalitat de Cataluña convoca unha liña de axudas á tradución de obras non literarias ao catalán, á que destinará unha partida orzamentaria de 260 000 € e que está destinada a editoriais que, grazas a esta convocatoria, poderán subvencionar o 70 % do custo do proxecto.
Fonte: Generalitat de Catalunya
Unha nova web axudará a aprender de forma sinxela a lingua vasca
Partekatu é unha web para aprender éuscaro en liña e de xeito sinxelo. Contén decenas de artigos divididos en tres categorías que responden dúbidas sobre esta lingua: gramática, vocabulario e blog.
Fonte: Gasteiz Hoy
A Lei xeral de telecomunicacións obrigará a que os servizos de atención ao cliente se ofrezan na lingua oficial da comunidade autónoma correspondente
O Congreso dos Deputados rematou a tramitación parlamentaria da Lei xeral de telecomunicacións que, entre outras cuestións, obriga a que os servizos de atención á clientela deberán ofrecerse en castelán e na lingua oficial da comunidade autónoma correspondente.
Fonte: Congreso de los Diputados
As instalacións do Athletic Club de Bilbao en Lezama acollen un torneo para impulsar o éuscaro
Trátase da primeira edición deste torneo cuadrangular no que participarán o Hamabi biscaíño, o Unión Tutera navarro, o Arranoak do País Vasco francés e o Aretxabaleta guipuscoano e que ten como obxectivo impulsar o uso do éuscaro.
Fonte: El Correo
O certificado de capacitación de catalán será requisito en 2023 para participar en procesos de acceso ao corpo docente de Baleares
O Plan de formación lingüística e cultural (FOLC), xunto co nivel C1 de catalán, será imprescindible para calquera proceso selectivo de acceso ao corpo de persoal docente a partir de 2023.
Fonte: Diario de Mallorca
O Goberno de Cataluña e oito municipios poñen en marcha un plan para mellorar o uso do catalán
A Generalitat, a Deputación de Tarragona e oito municipios desta provincia asinaron un plan de actuación para impulsar medidas destinadas a mellorar a utilización do catalán, así como reforzar o seu uso social.
Fonte: Diari Més
Preséntase Elkargoak Euskaraz, unha iniciativa para impulsar o uso do éuscaro nos colexios profesionais
Elkargoak Euskaraz nace ao abeiro do proxecto BasquePRO para impulsar o uso do éuscaro nos colexios profesionais, o que supón unha oportunidade para unificar esforzos nos procesos de euscaldunización e promoción desta lingua.
Fonte: Gobierno Vasco
Boletín
Subscríbase ao boletín
