España
O Tribunal Supremo avala que se imparta un 25 % das clases en castelán nos centros educativos de Cataluña
O alto tribunal rexeita o recurso de casación presentado pola Generalitat contra unha sentenza que obrigaba a garantir que o castelán fose a lingua vehicular de, como mínimo, o 25 % das materias.
Fonte: El País
As plataformas audiovisuais deberán ofertar o 6 % dos seus contidos en galego, éuscaro ou catalán
Plataformas audiovisuais como Netflix, HBO ou Amazon Prime Video deberán ofrecer un 6 % dos seus contidos en galego, catalán ou éuscaro. Así se recollerá na nova lei audiovisual que prepara o Goberno español, que ademais tamén obrigará a incorporar subtítulos nestas linguas sempre que sexa posible.
Fonte: El Periódico
Un informe sinala que o 80 % do persoal da Administración pública vasca comprende o éuscaro
Segundo un informe sobre normalización do uso do éuscaro no sector público vasco, oito de cada dez persoas que traballan na Administración pública teñen capacidade para entender éuscaro, e sete de cada dez son capaces de falalo e escribilo.
Fonte: Gobierno Vasco
Convócase a bolsa Henrike Knörr para impulsar os traballos de investigación sobre o éuscaro en Áraba
A Deputación Foral de Áraba e a Universidade do País Vasco convocan as bolsas Henrike Knörr, que teñen como obxectivo impulsar os estudos sobre o uso do éuscaro neste territorio.
Fonte: Noticias de Álava
A Deputación de Valencia presenta unha campaña de fomento do valenciano destinada ao comercio local
A campaña de fomento do valenciano 'Som de barri, de ciutat, de botiga i de mercat', dirixida ao comercio local como sector clave no desenvolvemento das cidades, combina os valores de proximidade, calidade e confianza que comparten este tipo de establecementos e a lingua propia.
Fonte: Valencia Plaza
A Universidade de Barcelona organiza por primeira vez un curso de aranés
O primeiro curso de aranés impartido pola Universidade de Barcelona completou as 25 prazas que ofertaba para o nivel A1. A intención é ir ampliando progresivamente a oferta de cursos desta lingua ata chegar ao nivel C2 do MCER.
Fonte: Generalitat de Catalunya
A revista 3Dnassos recibe o Premio Lingua Nacional por mellorar a presenza do catalán no sector dos videoxogos
A revista de videoxogos 3Dnassos resultou o proxecto vencedor do Premio Lingua Nacional deste ano, unha edición á que se presentaron catorce candidaturas de iniciativas que contribúen a estender o uso do catalán.
Fonte: Generalitat de Catalunya
As televisións autonómicas À Punt, IB3 e TV3 lanzan unha plataforma dixital para a colaboración lingüística e cultural
Cataluña, Baleares e a Comunidade Valenciana crean unha canle dixital para afianzar os lazos lingüísticos e culturais que as unen. Bon Dia TV convértese así nunha plataforma web para compartir contidos audiovisuais en lingua catalá.
Fonte: El Diario
O Goberno vasco e as deputacións forais renovan o convenio para asegurar o funcionamento dos medios de comunicación en éuscaro
Este convenio, que estará en vigor no período 2022-2024, é o segundo deste tipo que asinan as catro institucións e ten como obxectivo consensuar o marco de financiamento dos medios de comunicación integramente en éuscaro.
Fonte: Gobierno Vasco
A Comarca do Alto Gállego edita un vídeo para fomentar o uso do aragonés
Baixo o título Alzemos l'aragonés, o vídeo editado pola área de Política Lingüística da Comarca do Alto Gállego amosa o estado do aragonés na zona e o seu nivel de uso, así como a importancia de conservar esta lingua.
Fonte: Heraldo
Boletín
Subscríbase ao boletín
