España
Ponse en marcha unha campaña de repartición de máscaras para loitar contra o coronavirus e fomentar o aragonés oriental
Mediante esta campaña, coa que se pretende protexer contra o coronavirus e impulsar o chapurriau/aragonés oriental, xa se repartiron 200 máscaras por varias poboacións de Aragón.
Fonte: Radio Huesca
O Concello de Eibar organiza un concurso de erros na interpretación do éuscaro
Este concurso de erros na interpretación do idioma trata de dar a coñecer malentendidos que acontecen ao utilizar o éuscaro e o castelán ou o éuscaro e algunha outra lingua.
Fonte: El Diario Vasco
Convócase o premio Jesús Tuson de recoñecemento a traballos que tratan sobre a diversidade lingüística
O premio Jesús Tuson, que convoca a Universidade de Barcelona, a Rede Vives de Universidades e Òmnium Cultural, recoñece os traballos, de docentes ou do alumnado, que tratan sobre a diversidade lingüística, xa sexan teses, artigos, libros ou capítulos de libro, entre outros formatos académicos.
Fonte: La Vanguardia
Once persoas da diáspora vasca concluirán a súa formación como profesores/as de éuscaro en Lazkao
Once persoas, procedentes de Arxentina, Chile e Uruguai, realizarán unha estancia de dous meses no barnetegi Maizpide de Lazkao para mellorar o seu nivel de éuscaro e logo poder impartir clases desta lingua nas súas cidades de orixe.
Fonte: Gobierno Vasco
Lanzan a web Mallorcat, unha ferramenta de autoaprendizaxe en liña do catalán
A Dirección Insular de Política Lingüística creou Mallorcat, unha ferramenta web para a autoaprendizaxe do catalán de nivel inicial, pero que tamén serve de recurso didáctico para docentes.
Fonte: La Vanguardia
O himno do centenario do Deportivo Alavés xa ten versión en éuscaro
O Deportivo Alavés cumpre cen anos e para conmemoralo conta cun novo himno, en castelán, composto e interpretado por Mikel Izal, e cunha versión en éuscaro, adaptada por Miren Agur Meabe.
Fonte: Gasteiz Hoy
Convócase a cuarta edición dos premios Espiello Agora x l’aragonés
O Goberno de Aragón e a Comarca de Sobrarbe convocan a cuarta edición dos premios Espiello Agora x l’aragonés, un galardón que ten como obxectivo difundir o patrimonio lingüístico aragonés e fomentar a creación audiovisual nesta lingua.
Fonte: Diario del Alto Aragón
A Generalitat de Cataluña actualiza a guía para aprender catalán destinada a falantes de ruso
A Dirección Xeral de Política Lingüística actualizou e reeditou a guía Viure a Catalunya. Aprenem català des del rus dirixida á poboación de Cataluña falante de ruso que quere aprender catalá e que xa está dispoñible en formato dixital para a súa descarga.
Fonte: Generalitat de Catalunya
Comeza a Liga de Scrabble Escolar en catalán cun formato virtual
Por primeira vez, a Liga de Scrabble Escolar en catalán terá un formato virtual. Trátase dun campionato destinado ao alumnado de 5º de primaria ata 4º de secundaria de todos os territorios onde se fala esta lingua.
Fonte: Generalitat de Catalunya
O Concello de Donostia anima as familias a matricular as súas fillas e fillos no modelo en éuscaro
O Concello de Donostia está animando as familias, con motivo da campaña de matriculación para o vindeiro curso, a que escollan para os seus fillos e fillas o modelo D en éuscaro, xa que, segundo sinalan, é a mellor opción para unha educación realmente bilingüe.
Fonte: Donostiako Udala
Boletín
Subscríbase ao boletín
