España
O pleno municipal de La Puebla de Arganzón redactará un novo plan de uso do éuscaro
O alcalde de La Puebla de Arganzón, Pablo Ortiz de Latiorro, explicou que o novo plan se realizará de acordo coa vontade de seguir promovendo o coñecemento e o uso do éuscaro.
Fonte: El Correo
O Concello de Valencia crea unha gran recompilación de listas de música en valenciano
O Gabinete de Normalización Lingüística do Concello de Valencia publica unha recompilación de listas musicais en valenciano para fomentar o uso desta lingua en toda a cidade. O proxecto ten o nome de ‘Música, València!” e realízase por xéneros musicais, momentos e temáticas.
Fonte: Gente Digital
As universidades de Cataluña comprométense a impulsar o catalán na docencia
O Consello Interuniversitario de Cataluña (CIC) aproba a proposta da Comisión de Política Lingüística que asegura o uso do catalán na actividade académica por parte do alumnado e do profesorado.
Fonte: Generalitat de Catalunya
O Concello de Vitoria firma dous convenios para promover o éuscaro no cine e no ámbito laboral
O Concello subvenciona as iniciativas da asociación Tinko, para a programación de películas dobradas en éuscaro, e da entidade Bai Euskarari, para fomentar esta lingua na área laboral.
Fonte: Diario de Noticias de Álava
Publícase material didáctico para fomentar a transmisión familiar do éuscaro no municipio vasco de Bergara
A campaña arrancou en Bergara coa repartición gratuíta da guía ás familias de fillos e fillas de catro e cinco anos. O obxectivo dos servizos municipais é que a transmisión familiar do éuscaro marque o futuro uso lingüístico destes nenos e nenas.
Fonte: El Diario Vasco
O Consell de Mallorca lanza unha nova campaña para dinamizar o uso do catalán nas redes sociais
Esta campaña da Dirección Insular de Política Lingüística consiste en usar gifs en catalán nas historias de 24 horas ou nas mensaxes de Instagram.
Fonte: Diario de Mallorca
A Generalitat de Cataluña publica un decálogo de accións para fomentar o uso do catalán en internet
Con esta iniciativa, a Dirección Xeral de Política Lingüística procura normalizar a presenza do catalán na rede e mostrar que esta lingua contribúe a preservar a riqueza lingüística e o plurilingüismo.
Fonte: Generalitat de Catalunya
A Deputación de Valencia publica a convocatoria de subvencións para implantar o Plan de normalización lingüística de 2021
A Deputación publicou, a través da Unidade de Normalización Lingüística, as subvencións para axudar os municipios cun conxunto de accións e estratexias que teñen como obxectivo promocionar o uso do valenciano.
Fonte: El Económico
Un total de 81 panadarías crea ofertas especiais para os clientes que usen o éuscaro
Panadarías de Oarsoaldea participan na iniciativa que busca dinamizar o uso desta lingua. Desta maneira, os clientes que usen o éuscaro poderán recibir ofertas especiais pensadas para eles.
Fonte: El Diario Vasco
O grupo de traballo Uskara do Plan do Pireneo inicia un proceso para a recuperación dos dialectos do éuscaro
Co obxectivo de lograr a dinamización comarcal, Uskara busca a reflexión e a participación dos habitantes para recuperar e dar visibilidade aos dialectos do éuscaro dos vales pirenaicos.
Fonte: Gobierno de Navarra
Boletín
Subscríbase ao boletín
