España
Unha serie televisiva difundirá o uso correcto da lingua aranesa
LleidaTV e o Consello Xeral de Arán están colaborando na serie de humor en aranés Èm çò qu’èm que nace co obxectivo de difundir o uso correcto desta lingua.
Fonte: Segre Premium
A poeta canadense Anne Carson recibe o Premio Princesa de Asturias das Letras
A poeta, ensaísta e tradutora canadense Anne Carson venceu o Premio Princesa de Asturias das Letras deste ano. A escritora é recoñecida como unha das grandes poetas en lingua inglesa da actualidade e é firme candidata a recibir o Premio Nobel.
Fonte: Observador
Proponse incrementar o uso das linguas oficiais diferentes do español no Senado
O senador navarro de Geroa Bai presentou unha proposta que defende a ampliación do uso das linguas oficiais diferentes do español no Senado, algo que só está permitido no debate das mocións.
Fonte: Noticias de Navarra
O Goberno do País Vasco lanza un novo programa de actividades de reforzo do éuscaro
O Consello de Goberno do País Vasco aprobou axudas a entidades para o desenvolvemento de actividades educativas dirixidas ao reforzo e promoción do éuscaro durante as vacacións de 2020.
Fonte: Euskadi
O TERMCAT actualiza o seu dicionario sobre paxaros do mundo
O TERMCAT acaba de actualizar o seu Diccionari dels ocells del món con 745 novas denominacións catalás de paxaros do mundo. Esta obra lexicográfica está elaborada pola Fundación Barcelona Zoo, o Instituto Catalán de Ornitoloxía e o TERMCAT.
Fonte: Generalitat de Catalunya
O TERMCAT actualiza o seu dicionario en liña sobre termos do coronavirus
A última actualización do dicionario en liña Termes del coronavirus do TERMCAT inclúe agora as acepcións en occitano (variente aranesa) grazas á colaboración do Instituto de Estudos Araneses, a Dirección Xeral de Política Lingüística e o Departamento de Saúde da Generalitat de Cataluña.
Fonte: Generalitat de Catalunya
Un total de 61 centros educativos de Estremadura participaron nun programa de promoción do portugués
Un total de 61 centros educativos e 9128 alumnos e alumnas de Estremadura participaron no proxecto Plano Portugal que promoveu durante o curso 2019-2020 o ensino do portugués como lingua estranxeira.
Fonte: El Trapezio
O Instituto Navarro do Éuscaro convoca axudas para a promoción desta lingua en entidades e asociacións locais
O Instituto Navarro do Éuscaro ou Euskarabidea quere financiar actividades de promoción do éuscaro por medio dun conxunto de axudas destinadas a entidades locais ou asociacións sen ánimo de lucro que dinamicen a vida social de Navarra.
Fonte: El Diario Vasco
Créase un premio de ensaio para promover a difusión do xénero en lingua catalá
A Universidade de Vic - Universidade Central de Cataluña (UVic-UCC, polas súas siglas en catalán) e Eumo Editorial crearon o Premio de Ensaio Ricard Torrents Bertrana para promover a difusión deste xénero en lingua catalá. O galardón está dotado con 5000 euros.
Fonte: El Punt Avui
Actualízase a gramática esencial da lingua catalá
O Instituto de Estudos Cataláns (IEC, polas súas siglas en catalán) actualizou a Gramàtica essencial de la llengua catalana incorporando arquivos de son correspondentes ás diferentes variedades do catalán.
Fonte: Europapress
Boletín
Subscríbase ao boletín
