O certame literario infantil, que convoca o Concello de Pamplona, conta coas modalidades de conto e de cómic. Trátase dunha iniciativa dirixida a menores de entre 6 e 14 anos que poden presentar as súas creacións tanto en éuscaro como en castelán.  

Fonte: Pamplona Actual

Case 8600 persoas seguiron o curso en liña para aprender catalán Parla.cat ao longo do mes de marzo. A Dirección Xeral de Política Lingüística ofrece, a través da súa web “Fes créixer la llengua des de casa”, servizos e recursos para seguir formándose de xeito gratuíto e autodidacta ao longo da corentena.

Fonte: La  Vanguardia

A través da súa conta de Instagram, a Real Academia Española propón un novo reto para os días de confinamento. A través de xogos lingüísticos e tests, a institución pretende poñer a proba os coñecementos de persoas adultas e nenos en relación coa ortografía e a gramática da lingua española.

Fonte: Diario de Sevilla

O obxectivo deste convenio, asinado entre a Universidade de Alacant e Escola Valenciana, é formar, a partir da cooperación entre ambas as institucións, un grupo de traballo para fomentar a investigación e a difusión sobre a educación multilingüe, tanto no ámbito universitario como nos diferentes niveis do ensino non universitario.

Fonte: La Vanguardia

O programa Euskal Kirolari está a compartir vídeos en éuscaro, protagonizados por deportistas vascos (como a surfista Leticia Canales, os futbolistas Ibai Gómez e Luca Sangalli, o ciclista Mikel Landa ou a remeira Nerea Pérez), co obxectivo de fomentar a actividade física na casa durante o confinamento.

Fonte: Gobierno Vasco

O Goberno de Euskadi e a Oficina Pública da Lingua Vasca de Iparralde comprometéronse a colaborar no impulso do éuscaro en 2020 e definiron as liñas de traballo para este ano, así como as asignacións económicas que se destinarán á promoción desta lingua no País Vasco francés.

Fonte: El Diario Vasco

A Autoridade Portuaria de Valencia puxo en marcha a campaña #AlPieDelCañon, unha iniciativa solidaria que inclúe mensaxes en oito idiomas diferentes, entre os que se atopan o inglés, o francés, o alemán, o chinés ou o árabe, entre outros, co obxectivo de facela chegar a todos os continentes.

Fonte: Naucher Global

A organización Galtzaundi Euskara Taldea lanza a iniciativa 'Itxialdian euskaraz" para practicar éuscaro desde a casa mentres dure o confinamento. Con esta idea preténdese impulsar a práctica desta lingua en liña, a través de videochamadas, e en grupo, poñendo en contacto persoas que queren aprendela con outras que as queren axudar.

Fonte: Noticias de Gipuzkoa

A Consellería de Educación, Cultura e Deporte asinará un acordo de colaboración coa Universidade de Valencia para o funcionamento da Cátedra de Dereitos Lingüísticos polo que achegará 80 000 euros.

Fonte: València Extra

O Concello de Elgoibar comunicou as subvencións para o ano 2020, que inclúen axudas para a aprendizaxe do éuscaro e para o fomento da presenza desta lingua en establecementos comerciais, así como o seu uso no ámbito empresarial.  

Fonte: Diario Vasco