España
Xa está dispoñible na rede o documental 'El valir económicu d'una llingua'
O documental El valir económicu d'una llingua presenta o asturiano como un elemento de dinamización empresarial, así como de creación de empresas e de xeración de emprego e riqueza.
Fonte: Asturies.com
Un vídeo co himno do Athletic Club serve como lección para aprender éuscaro
Beñat Erezuma, profesor de Tecnoloxía, puxo en marcha hai uns anos a canle de YouTube “Euskara Satorra: aprender euskera con vídeos” que conta con arredor de 17 000 subscritores. Agora ofrece unha das súas leccións a través do himno do Athletic Club nun vídeo no que traduce e explica a súa letra.
Fonte: El Desmarque
Publícanse as bases reguladoras dos premios de creación literaria e artística en aragonés e catalán de Aragón
O Boletín Oficial de Aragón publicou a orde pola que se establecen as bases reguladoras dos premios de creación literaria e artística en aragonés e catalán.
Fonte: Iustel
O Goberno vasco pon en marcha o programa Berdintzen que permitirá a realización de investigacións sobre éuscaro e xénero
Garbiñe Bereziatua, Beñat Muguruza, Onintza Legorburu e Nekane Goikoetxea realizarán investigacións sobre éuscaro e xénero no marco da primeira edición do programa Berdintzen, impulsado polo Goberno vasco.
Fonte: Gobierno Vasco
As persoas xordas de Cataluña solicítanlle á Generalitat intérpretes de lingua de signos nas comunicacións institucionais
A Federación de Persoas Xordas de Cataluña (Fesoca) demanda a presenza de intérpretes de lingua de signos catalá nas comunicacións institucionais que fai o Goberno da Generalitat en relación co coronavirus.
Fonte: La Vanguardia
O Goberno de Cataluña expresa a súa desconformidade coa ausencia do catalán na nova plataforma de Disney
A directora xeral de Política Lingüística expresou a súa desconformidade coa ausencia do catalán na oferta inicial da nova plataforma de contidos en liña de Disney e instou a compañía a que continúe coa súa aposta por esta lingua como viña facendo nos últimos anos.
Fonte: Generalitat de Catalunya
O Club Hiru3 ofrece actividades e contidos en éuscaro para os máis pequenos durante o confinamento
Co obxectivo de facerlles máis divertidos ás nenas e aos nenos os días de confinamento, o Club Hiru3 ofrece diversas actividades e contidos en éuscaro, como vídeos, dinámicas participativas, debuxos animados e series etc.
Fonte: EITB
A Dirección Insular de Política Lingüística de Mallorca organiza un concurso sobre lingua e literatura en catalán nas redes sociais
Co obxectivo de ofrecer un entretemento intelectual durante o confinamento por mor do coronavirus, o Consell de Mallorca convoca un concurso nas súas redes sociais sobre lingua e literatura en catalán.
Fonte: 20minutos
A Generalitat de Cataluña publica un documento sobre o desenvolvemento do catalán nos asistentes virtuais con voz
O documento El desenvolupament de la llengua catalana en l’entorn dels assistents virtuals amb veu amosa a importancia que teñen os asistentes de voz para o catalán e para toda a sociedade e propón estratexias para avanzar neste ámbito.
Fonte: Generalitat de Catalunya
A Dirección Xeral de Política Lingüística de Cataluña ofrece servizos en liña para aprender e practicar catalán
A cidadanía poderá acceder, de xeito telemático, a diferentes recursos para aprender, practicar e promover o catalán, como cursos en liña, voluntariado lingüístico, servizo para atención de dúbidas lingüísticas etc.
Fonte: Generalitat de Catalunya
Boletín
Subscríbase ao boletín
