España
O Goberno de Mallorca convoca unha liña de axudas para libros e fonogramas en catalán
A convocatoria de subvencións para libros e fonogramas en catalán está dotada dun orzamento de 300 000 euros. O seu obxectivo é incrementar o coñecemento e a presenza social do catalán, así como apoiar a industria editorial e discográfica nesta lingua.
Fonte: Crónica Balear
Ponse en marcha unha campaña en asturiano para homenaxear as avoas do Principado
A marca Puru Remangu impulsa a campaña #30DíesConRemangu, unha iniciativa coa que se pretende que ao longo do mes de marzo a rede social Instagram se encha de historias de avoas asturianas.
Fonte: La Vanguardia
Os editores de revistas en catalán ofrecen acceso gratuíto en liña ao seu quiosco
Os editores de revistas en catalán permitirán acceder de xeito gratuíto durante un mes ao seu quiosco virtual. En total, todas as persoas que o desexen poderán consultar de balde as 77 revistas dispoñibles de diferentes temáticas nesta lingua.
Fonte: La Vanguardia
O comercio de Reus valora o dominio de idiomas para a contratación de persoal
O comercio local de Reus valora moito para a contratación de persoal que os profesionais saiban inglés e francés. Malia supoñer un valor engadido, non é imprescindible, senón que serve para descartar perfís cando se fai un proceso de selección.
Fonte: Diari de Tarragona
O Servizo de Asesoramento Lingüístico de Formentera impartirá cursos de catalán para a Garda Civil
O Consell de Formentera asinou un convenio de colaboración coa Dirección Insular da Administración Xeral do Estado para impartir un primeiro curso de catalán destinado aos axentes da Garda Civil da illa.
A Xarxa Vives financiará a publicación de traballos científicos en catalán
A Xarxa Vives de universidades financiará a publicación de traballos científicos en catalán mediante un programa de axudas. O obxectivo da iniciativa é prestixiar esta lingua e fomentar o seu uso na difusión do coñecemento.
Fonte: La Vanguardia
Preséntase a primeira plataforma vasca de transcrición e subtitulación automática de audio e vídeo
Elhuyar presentou o seu recoñecedor da fala chamado Aditu, unha plataforma para a transcrición e a subtitulación automática de audios e vídeos. Trátase dunha ferramenta de pago que permite subtitular e transcribir discursos, conversacións e distintos enunciados en éuscaro e castelán.
Fonte: 20minutos
Unha investigadora analiza os usos lingüísticos do alumnado dunha escola biscaíña
A investigadora Eider Saragueta estudou os usos lingüísticos, a identidade e os saltos entre linguas do alumnado dunha escola biscaíña de modelo D que cursaba 5º e 6º de Educación Primaria.
Fonte: Columna Cero
A UGT de Cataluña presenta unha campaña para demandar a oficialidade do catalán na Unión Europea
A campaña "El dia a dia, en català", que conta co apoio da Dirección Xeral de Política Lingüística, ten como obxectivo demandar a oficialidade do catalán na Unión Europea.
Fonte: Generalitat de Catalunya
O Goberno de Navarra anuncia que xa está a traballar no II Plan estratéxico do éuscaro
O Goberno de Navarra presentou a avaliación do I Plan estratéxico do éuscaro e anunciou que xa está a preparar o segundo, co que pretende rematar coa confrontación arredor desta lingua.
Fonte: Noticias de Navarra
Boletín
Subscríbase ao boletín
