O conselleiro valenciano de Educación presentou o curso 2009-2010, que chegará a 766.332 matriculados nos diversos niveis da educación non universitaria. Polo que respecta ás liñas, neste curso haberá 3789 grupos en valenciano, 257 máis có ano pasado.

Fonte: Pàgina 26

Behatokia, o observatorio creado por Kontseilua, denunciou que a nova oferta de emprego da Ertzaintza "elude os dereitos lingüísticos dos euscaldúns". Dos 260 novos axentes previstos na convocatoria, tan só 108 teñen como preceptiva a acreditación do primeiro perfil de éuscaro.

Fonte: Diario Vasco

Sindicatos, partidos e asociacións impulsan unha Iniciativa Lexislativa Popular (ILP) para conseguir a legalización das emisións da canle autonómica catalá TV3 na Comunidade Valenciana e "cambiar as regras do xogo no Estado Español" para que linguas como o catalán, o galego e o éuscaro dispoñan dun espazo comunicativo definido.

Fonte: Europa Press

En marzo, Televisión Melilla (TVM) recuperaba o informativo en lingua tamazight, que Coalición por Melilla (CpM) levaba bastante tempo esixindo. Porén, desde hai dous meses este espazo xa non se volveu emitir, algo que este partido considera un "atropelo".

Fonte: Melilla Hoy

O Servizo de Linguas e Terminoloxía da Universidade Jaume I inicia unha nova campaña para promover que os estudantes elixan o profesorado que imparte clase en valenciano e a mesma opción lingüística no impreso de matrícula, así como para aumentar o uso da lingua propia.

Fonte: El Periódico Mediterráneo

A Junta de Castilla y León quere implicar o Consello Comarcal a través da articulación na futura Lei do Bierzo de todo o relativo á promoción da lingua galega.

Fonte: InfoBierzo

O vicepresidente da Generalitat de Catalunya, Josep Lluís Carod-Rovira, e o síndico de Arán, Francés Boya, asinaron un acordo de colaboración co obxectivo de impulsar o uso, difusión e coñecemento da lingua occitana, idioma que segundo o novo Estatuto catalán é oficial na comunidade, informou a Generalitat nun comunicado.

Fonte: Qué

Dous de cada tres secretarios xudiciais destinados nos xulgados da Comunidade Valenciana descoñecen o valenciano. E ademais, o problema é que o terzo que o domina tampouco pode utilizalo de forma habitual nos escritos porque o sistema informático implantado pola Generalitat Valenciana só está en castelán.

Fonte: Levante

A pesar dos esforzos da conselleira Isabel Celaá por cambiar o paso e centrar a atención da comunidade educativa na aposta tecnolóxica da Escola 2.0 ou no avance do trilingüismo, o debate sobre os modelos xorde unha e outra vez sen solución de continuidade.

Fonte: El País

Canarias, pese a que é unha das rexións que máis turistas e inmigrantes recibe de España, carece dun programa público de mediadores lingüísticos, uns profesionais que exercen de enlaces entre os estranxeiros e a sociedade canaria para salvar diferenzas idiomáticas, pero tamén culturais.

Fonte: La Opinión de Tenerife