España
O catalán só se usa nun de cada catro xuízos
Só o 25 % dos xuízos que se celebran en Cataluña se fan en lingua catalá. Este é un dos datos incluídos nun estudo elaborado pola administración lingüística e xudicial da Generalitat de Catalunya, que por primeira vez retrata os hábitos lingüísticos nos tribunais e xulgados cataláns.
Fonte: Avui
O modelo educativo A reforzarase con materias en éuscaro
O fracaso do modelo A como sistema para a aprendizaxe do éuscaro non vai supoñer a súa eliminación, senón o seu reforzo. De ser un modelo no que os alumnos cursan unha materia de éuscaro e o resto en castelán, pasará a incorporar máis materias cuxa docencia se imparta en lingua vasca.
Fonte: Diario Vasco
O Parlamento navarro pide que se cumpra a lei do éuscaro nas prazas do Goberno foral
O pleno do Parlamento de Navarra aprobou unha moción presentada por Nafarroa Bai na que se lle pide ao Gobierno foral que "cumpra" o disposto na lei do éuscaro para todas as prazas que presten servizos nas zonas vascófona e mixta de Navarra.
Fonte: EcoDiario
O PSOE leva xa ás Cortes a Lei de linguas de Aragón
O PSOE rexistrará nas Cortes a proposición de lei das linguas de Aragón, despois de anos de negociacións infrutuosas co seu socio de Goberno, o PAR (Partido Aragonés).
Fonte: El Periódico de Aragón
Un total de 48 entidades locais de Navarra apoia as televisións que emiten en éuscaro
Un total de 48 entidades locais de Navarra solicitoulle ao Goberno foral a concesión de licenzas dixitais a televisións que emiten en éuscaro e a sinatura dos convenios necesarios que garantan a súa continuidade.
Fonte: Diario Vasco
O bilingüismo na Administración Xeral do Estado non cobre as esixencias do Consello de Europa
A capacitación bilingüe dos funcionarios da Administración Xeral do Estado supera o 90 % en Galicia e Cataluña, mentres que na Comunidade Valenciana, Baleares, País Vasco e Navarra se sitúa en torno ao 70 %.
Fonte: El País
A educación en éuscaro consolídase en Álava e xa a elixe a metade dos alumnos de infantil
Nos últimos anos, o ascenso de matriculacións nas aulas de éuscaro en Álava foi lento pero constante. Sen ir máis lonxe, a partir de setembro un total de 15.979 alumnos de entre 0 e 16 anos optará por esta alternativa, un 41,6 % da xente nova en idade escolar.
Fonte: Noticias de Álava
A Secretaría de Política Lingüística e o Idescat presentan os datos da Enquisa de usos lingüísticos da poboación 2008
O secretario catalán de Política Lingüística, Bernat Joan, e o subdirector de Produción Estatística do Idescat (Instituto de Estatística de Cataluña), Enric Ripoll, presentaron os datos da Enquisa de usos lingüísticos da poboación 2008. Esta é a segunda edición dunha estatística oficial incluída na lei do Plan estatístico 2006-2009.
Fonte: Generalitat de Catalunya
Nace a Llionpedia, unha enciclopedia virtual en lingua leonesa
A lingua leonesa conta cunha nova ferramenta para a súa difusión e normalización. Naceu a Llionpedia, enciclopedia virtual en lingua leonesa na que os usuarios deste idioma poden ler, editar e ampliar os artigos relacionados coa cultura universal.
Fonte: Leonoticias
A Comunidade de Madrid crea o primeiro servizo de interpretación de idiomas nas urxencias hospitalarias e Atención Primaria
A Comunidade de Madrid creou o primeiro servizo de España de interpretación de idiomas para atender os usuarios das urxencias hospitalarias e da Atención Primaria.
Fonte: Europa Press
Boletín
Subscríbase ao boletín
