España
O Goberno de España ensinaralles catalán aos policías estatais
Os axentes do Corpo Nacional de Policía recibirán formación de lingua catalá. O delegado do Goberno central en Cataluña, Joan Rangel, e o secretario de Política Lingüística, Bernat Joan, reuníronse para examinar as necesidades de formación en catalán dos funcionarios dependentes da Administración central.
Fonte: Avui
O Concello de Eibar pon en marcha o segundo Plan para o uso normalizado do éuscaro
O Concello de Eibar puxo en marcha o segundo Plan para o uso normalizado do éuscaro, co obxectivo de lograr un maior uso da lingua vasca nos seus servizos, tanto en atención á cidadanía como a nivel interno.
Fonte: El Correo Digital
A Generalitat de Catalunya impulsa grupos de conversación de catalán entre inmigrantes
A Generalitat de Catalunya estenderá por todo o territorio catalán unha iniciativa da Coordinadora de Asociacións pola Lingua (CAL) que consiste en impulsar grupos de conversación de catalán entre inmigrantes para integralos na sociedade e fomentar "a creación dunha cultura común".
Fonte: Europa Press
O ministro de Asuntos Exteriores anuncia "próximas xestións" para avanzar no uso das linguas cooficiais na UE
O ministro de Asuntos Exteriores e de Cooperación, Miguel Ángel Moratinos, avanzou que o departamento que dirixe e, máis en concreto a Secretaría de Estado para a UE, emprenderán "próximas xestións" para avanzar no uso das linguas cooficiais de España nas institucións da Unión porque aínda queda "camiño que percorrer" neste aspecto.
Fonte: Europa Press
O Goberno español inviste 10,5 millóns en filmes en linguas cooficiais
A Lei de cine establece tamén subvencións do Goberno Central para longametraxes rodadas en linguas distintas do castelán.
Fonte: La Información
Un de cada catro vascos non estudou nunca inglés, segundo un informe da Universidade de Oxford
Un de cada catro vascos non estudou nunca inglés, segundo un informe publicado pola editorial da Universidade de Oxford. Estes datos sitúan a Euskadi por debaixo da media nacional, que se cifra nun 29 por cento.
Fonte: Europa Press
Unha plataforma dixital da Junta de Castilla y León axudará a difundir o español en Estados Unidos
A plataforma dixital "Micastellano.com", impulsada pola Junta de Castilla y León, cobrará protagonismo na difusión da aprendizaxe do español en Estados Unidos a partir do convenio asinado pola Fundación Instituto Castelán e Leonés da Lingua e a Academia Norteamericana da Lingua Española.
Fonte: ABC
O Congreso adaptará unha das súas salas para poder traducir a 32 linguas as reunións da Presidencia española da UE
O Congreso dos Deputados ten previsto renovar antes do 29 de xaneiro do ano que vén o equipamento da súa estancia máis ampla, para que poida acoller as reunións que se convoquen na Cámara Baixa con motivo da Presidencia española da Unión Europea do primeiro semestre de 2011 e contar cos medios necesarios para que estes actos poidan ser traducidos simultaneamente ás 32 linguas da Unión Europea.
Fonte: Europa Press
Rebáixase o requisito do éuscaro para a Administración de Xustiza
O Tribunal Superior de Xustiza do País Vasco acaba de anular, tal e como no seu día fixo o Tribunal Constitucional cunha normativa anterior, algúns dos preceptos do Decreto 152/2008 que regula o proceso de normalización lingüística da Administración de Xustiza nesta Comunidade Autónoma.
Fonte: Expansión
A Cámara vasca pide valorar menos o éuscaro na Sanidade
O Parlamento vasco pediulle ao Goberno de Patxi López que realice «unha valoración adecuada do éuscaro como mérito» nas ofertas públicas de emprego (OPE) de Osakidetza (Sanidade pública vasca).
Fonte: El Correo Digital
Boletín
Subscríbase ao boletín
