España
Máis de 16.000 alumnos participan nos programas para promover o éuscaro
Máis de 16.000 alumnos de educación primaria e secundaria participaron durante este pasado curso nos programas organizados pola Área de Éuscaro do Concello de Bilbao nos centros escolares da vila, co obxectivo de fomentar o uso e o coñecemento do éuscaro e convertelo en lingua de comunicación cotiá das futuras xeracións.
Fonte: Deia
O ministro de Xustiza admite que cómpre estimular o catalán nos xulgados
O ministro de Xustiza, Francisco Caamaño, admitiu a necesidade "de seguir impulsando e estimulando" nos xulgados o uso do catalán e o resto de linguas que no seu territorio comparten cooficialidade co castelán.
Fonte: Avui
O Goberno vasco aumenta as axudas aos estudantes de éuscaro
O Goberno vasco destinará este ano un total de 1.850.000 euros ás axudas aos alumnos que superasen durante o curso 2008/2009 os exames de acreditación de niveis de éuscaro na rede de euskaltegis do Instituto para a euscaldunización e alfabetización de adultos, HABE ou os seus equivalentes, 550.000 euros máis que o ano pasado.
Fonte: EiTB
Activistas contra a Lei de linguas de Aragón recollen sinaturas para impedir o recoñecemento do catalán
Un grupo de membros da Plataforma Non Falamos Catalán recolleu sinaturas en Zaragoza para impedir que se recoñeza o catalán como lingua propia de Aragón.
Fonte: Europa Press
A Generalitat Valenciana coordina un proxecto europeo para facilitar a formación en liña de inglés para persoas xordas
A Generalitat Valenciana coordina o proxecto BASE (Basic Skills in English for Deaf Adults), cofinanciado pola Comisión Europea, que ten como finalidade facilitar a formación en liña do idioma inglés para as persoas xordas.
Fonte: El Periòdic
A Confederación de Persoas Xordas asina un acordo coa Universidade Complutense para a formación en lingua de signos española
A Confederación Estatal de Persoas Xordas e a Universidade Complutense de Madrid asinaron un acordo de colaboración encamiñado ao desenvolvemento de proxectos conxuntos de investigación e formación no ámbito da lingua de signos española para mellorar a accesibilidade das persoas xordas ás aulas.
Fonte: DeMinorías
Xuristas polo Asturiano denuncia a discriminación da lingua asturiana nas oposicións a mestre
A Unión de Xuristas polo Asturiano denuncia que o Principado de Asturias convocou un concurso-oposición para o ingreso no Corpo de Mestres no que "as publicacións relacionadas coa especialidade feitas en calquera idioma do mundo (vivo ou morto) poden sumar ata 0,35 puntos no concurso para o acceso ao Corpo de Mestres do Principado de Asturias, pero se a lingua empregada na publicación foi a propia do país, a asturiana, entón a puntuación máxima posible é de 0,15 puntos".
Fonte: Asturies
O tradutor automático do Instituto Cervantes incorpora o éuscaro
O servizo de tradución automática do Instituto Cervantes, que permite traducir textos e páxinas web do español ao catalán, galego, inglés, francés e portugués -e viceversa-, incorporou o éuscaro ás súas linguas de traballo, unha vez superados os desafíos lingüísticos e tecnolóxicos que presenta este idioma.
Fonte: Diario del Henares
Os servizos lingüísticos das universidades catalás elaboran un estudo sobre usos, actitudes e identidades lingüísticas
O estudo "Usos, actitudes e identidades lingüísticas entre o estudantado universitario" foi elaborado durante o curso 2008-2009 polos servizos lingüísticos das universidades catalás e, por primeira vez, mostra datos globais do sistema universitario catalán.
Fonte: Universitat de Barcelona
A Xunta pola Llingua Asturiana cre que Asturias renuncia a millóns de euros ao non ser oficial o asturiano
A Xunta Pola Defensa de la Llingua Asturiana considera que o Goberno do Principado está renunciando ao "financiamento que terán todas as comunidades con linguas cooficiais", ao non darlle este recoñecemento ao asturiano.
Boletín
Subscríbase ao boletín
