España
O Goberno catalán pídelles ás empresas que usen máis o catalán "sen complexos"
Aínda que a Generalitat de Catalunya está moderadamente satisfeita cos pasos que a maioría das empresas deu no uso da lingua catalá nos seus produtos e servizos, a Axencia Catalá do Consumo exhortou as compañías a «non ter complexos» á hora de etiquetar neste idioma.
Fonte: El Periódico
Preséntase o Plan de traballo 2009-2010 para o fomento do catalán na avogacía
Presentouse en Tarragona o Plan de traballo 2009-2010 para fomentar o catalán no sector da avogacía. Esta iniciativa enmárcase no acordo asinado entre os departamentos de Vicepresidencia, Xustiza e o Consello de Colexios de Avogados de Cataluña (CICAC) para o fomento do uso do catalán neste ámbito.
Fonte: Generalitat de Catalunya
O Tribunal Supremo anula a ordenanza do Concello de Azpeitia sobre o uso do éuscaro
O Tribunal Supremo confirmou a anulación dunha ordenanza do Concello de Azpeitia sobre o uso do éuscaro no municipio ao considerar que a finalidade real pretendida pola norma era a exclusión do emprego do castelán como lingua oficial.
Fonte: Diario Vasco
O departamento asturiano de Cultura posiciónase ante o avance do galego
O Principado planea a creación dunha nova oficina de coordinación cultural e lingüística en Vegadeo, que ao mesmo tempo sirva para preservar esta zona fronteiriza do avance galego en política lingüística.
Fonte: La Voz de Asturias
A conselleira vasca de Cultura di que combaterá o conflito lingüístico e buscará o consenso
A conselleira vasca de Cultura, Blanca Urgell, afirmou que a súa actuación irá encamiñada a "combater o conflicto lingüístico" e a impulsar unha política "a prol do bilingüismo", buscando "o maior nivel posible de consenso social e político" en torno a esta.
Fonte: Soitu
A Real Academia da Lingua Vasca e Unesco Etxea colaborarán na divulgación do éuscaro
A Real Academia da Lingua Vasca-Euskaltzaindia e Unesco Etxea asinaron un convenio de colaboración polo que, entre outras cuestións, esta última institución contribuirá á divulgación das normas lingüísticas do éuscaro propugnadas pola primeira.
Fonte: Deia
Sete intérpretes permitirán o debate en linguas cooficiais no Senado
Sete intérpretes permitirán que os representantes autonómicos debatan co vicepresidente terceiro e ministro de Política Territorial, Manuel Chaves, nas súas respectivas linguas cooficiais na Comisión Xeral das Comunidades Autónomas do Senado.
Fonte: Trámite Parlamentario
O conselleiro vasco de Sanidade propón revisar a valoración do éuscaro como mérito
O conselleiro de Sanidade, Rafael Bengoa, mostrouse partidario de revisar a valoración do éuscaro como mérito para evitar que marchen profesionais a outras comunidades.
Fonte: El Correo Digital
Os tribunais valencianos avalan unha vez máis a unidade do catalán
O Tribunal Superior de Xustiza da Comunidade Valenciana ditou unha sentenza que ratifica a validez da titulación de Filoloxía Catalá para eximir das probas de coñecemento do valenciano os opositores a docentes.
Fonte: Avui
Só o 12,7 % do profesorado aprobou o perfil lingüístico no País Vasco
Só o 12,69 % do profesorado presentado ás distintas probas do Programa IRALE para obter o perfil lingüístico no presente curso superaron o nivel correspondente.
Fonte: Finanzas
Boletín
Subscríbase ao boletín
