España
Coalición por Melilla pedirá que nos orzamentos xerais do Estado haxa unha partida para un instituto de lingua tamazight
A creación dun instituto da lingua tamazight e a divulgación desta lingua entre o funcionariado melillés son dúas das emendas aos orzamentos xerais do Estado de 2010 que está a preparar Coalición por Melilla (CPM).
Fonte: Melilla Hoy
A Academia da Lingua Vasca, Euskaltzaindia, reafirma o seu compromiso co éuscaro no seu 90 aniversario
A Academia da Lingua Vasca, Euskaltzaindia, concluíu as celebracións para conmemorar o 90 aniversario da súa fundación cunha cerimonia na que o seu presidente, Andrés Urrutia, reafirmou o compromiso desta institución co éuscaro e a sociedade.
Fonte: El Correo Digital
O Goberno avoga por impulsar o español no Consello de Europa
O Goberno considera que nas organizacións internacionais nas que o español non é nin lingua oficial nin de traballo, como ocorre no Consello de Europa, a prioridade debe ser promovelo, o que redundará en beneficio de todos os españois e do país no seu conxunto.
Fonte: EcoDiario
O Goberno vasco crea unha comisión para mellorar a atención cidadá en éuscaro
Unha comisión interdepartamental do Goberno vasco analizará a oferta de atención en éuscaro aos cidadáns dos distintos servizos públicos co obxectivo de detectar posibles lagoas e introducir melloras.
Fonte: El Correo Digital
O Consello d’a Fabla recupera os cursos de lingua aragonesa
Tras un parón de dous anos, o Consello d’a Fabla Aragonesa recupera os cursos de lingua aragonesa, que se iniciarán a mediados de outubro e terminarán a finais de abril.
Fonte: Radio Huesca
España volve pedirlle ao Parlamento Europeo poder usar as linguas cooficiais
O Goberno español volveu pedirlle ao Parlamento Europeo (PE) que acceda a que as linguas distintas do castelán recoñecidas en España como cooficiais poidan ser utilizadas nos debates parlamentarios.
Fonte: De Luns a Venres
UPyD pide que o castelán sexa a lingua vehicular do ensino
A deputada de UPyD, Rosa Díez, entregoulle ao ministro de Educación, Ángel Gabilondo, unha proposta para a consecución dun pacto educativo na que este partido reclama a necesidade de harmonizar as lexislacións educativas autonómicas e que o castelán sexa a lingua vehicular do ensino en toda España.
Fonte: ADN
A Consellería de Educación da Generalitat de Catalunya garantirá a prioridade do catalán nos libros dixitais
A Consellería de Educación da Generalitat de Catalunya "comezou a traballar" con Digital Text, a editorial responsable da elaboración da práctica totalidade dos libros dixitais, para garantir que o menú de acceso aos manuais estea en lingua catalá.
Fonte: Avui
O Parlamento vasco pedirá máis versión orixinal nas películas emitidas pola televisión pública vasca
Distintos grupos no Parlamento vasco presentaron unha proposición non de lei para instar a EiTB a incluír na súa programación películas en inglés en versión orixinal con subtítulos en castelán ou en éuscaro.
Fonte: Qué
Escola Valenciana lanza unha campaña para promover o uso do valenciano na rúa
A plataforma Escola Valenciana puxo en marcha a campaña Parla'm en valencià (Fálame en valenciano), unha iniciativa que ten como obxectivo a promoción, desde diversos medios de comunicación, do uso do valenciano na rúa.
Fonte: Avui
Boletín
Subscríbase ao boletín
