España
Defensa recalca a ERC que o castelán é lingua de servizo dos militares, aínda que poden usar outras ante o público
O Ministerio de Defensa recalcoulle ao deputado de ERC no Congreso, Joan Tardà, que o castelán é a lingua que deben empregar os militares "nos actos e relacións de servizo", aínda que tamén poden utilizar as linguas cooficiais nas dependencias administrativas e con servizo ao público.
Fonte: Europa Press
A Rioxa ofrécelles ás súas empresas un servizo gratuíto de tradución en 33 idiomas
Co fin de incrementar o número de empresas exportadoras, a Axencia de Desenvolvemento Económico da Rioxa (Ader) puxo a disposición das empresas un servizo de tradución simultánea en 33 idiomas, tanto de voz como de textos, que busca eliminar as barreiras idiomáticas que poidan xurdir á hora de exportar produtos.
Fonte: ABC
A Junta de Castilla y León ofertará o portugués como segunda lingua no terceiro ciclo de primaria
Para o curso 2009-2010 alumnos de educación primaria en Castela e León poderán elixir o portugués como segunda lingua estranxeira, equiparándoo ao francés ou o alemán.
Fonte: Leonoticias
O PNV pídelle á dirección de EITB que os partidos da Liga de Campións se retransmitan pola primeira canle en éuscaro
O parlamentario do PNV Luke Uribe-Etxebarria pediulle ao director de EITB, Alberto Surio, que os partidos de fútbol correspondentes á Liga de Campións, que retransmitirá esta tempada a televisión pública vasca, se emitan pola canle ETB-1 e en éuscaro.
Fonte: Qué!
A Llionpedia, enciclopedia virtual en leonés, supera os 5.000 artigos publicados nun mes
Máis de 5.000 artigos, 16.000 edicións, 36 colaboradores rexistrados e 61.000 visitas son as cifras dos primeiros compases de vida da Llionpedia, o punto de referencia da lingua leonesa en internet.
Fonte: Leonoticias
Renace a asociación Acción Cultural de Menorca, co obxectivo de promover a lingua e a cultura catalás
Co obxectivo de «poñer nun primeiro plano político e social» a lingua e a cultura catalás, Acción Cultural de Menorca renaceu en Ciutadella. A entidade, que xa funcionou de 1996 a 1998, inicia de novo a súa andaina con renovados obxectivos e algunhas das reivindicacións de sempre.
Fonte: Última Hora
Un grupo de lingüistas visita máis de 680 locais de Mallorca para promover o catalán
Un equipo de lingüistas cataláns do Consell de Mallorca visitou desde 2008 os xerentes de máis de 680 comercios e restaurantes de distintos municipios mallorquinos para informalos sobre as subvencións que poden solicitar para promover o uso do catalán no seu negocio.
Fonte: ABC
O Goberno promételle a CiU seguir traballando polas linguas cooficiais na UE
O Goberno aseguroulle a CiU que continuará traballando no seo da Unión Europea para garantir o uso do catalán, o éuscaro e o galego en todas as súas institucións, incluído o Tribunal de Contas, onde na actualidade non é posible.
Fonte: Europa Press
O Bloque Nacionalista Valenciano pediralle á Consellería de Sanidade que a web da gripe A teña unha versión en valenciano
O secretario xeral do Bloque Nacionalista Valenciano e deputado de Compromiso polo País Valenciano nas Cortes Valencianas, Enric Morera, anunciou que desde a súa formación política lle pedirán á Consellería de Sanidade que, "por respecto ao pobo valenciano e ás súas leis fundamentais", a web informativa da gripe A tamén teña unha versión en valenciano "na maior brevidade posible".
Fonte: Europa Press
Os oitenta centros bilingües da provincia de Málaga alcanzan os 39.000 alumnos
Máis de 39.000 alumnos de primaria e de secundaria acudiron este curso escolar aos oitenta centros docentes públicos onde se imparte ensinanza bilingüe en francés, inglés ou alemán. Deles, incorporáronse á Rede neste ano académico un total de dezaseis.
Fonte: Diario Sur
Boletín
Subscríbase ao boletín
