España
O vicepresidente do Goberno catalán reclamou "a plena oficialidade lingüística" da lingua catalá en Europa
O vicepresidente do Goberno de Cataluña, Josep Lluís Carod-Rovira, reclamou "a plena oficialidade lingüística" do catalán en Europa, "un dereito ao que, como cidadáns europeos, non podemos renunciar".
Fonte: e-Notícies
O conselleiro de Educación valenciano considera “primordial” o impulso á presenza do valenciano na Administración
O conselleiro de Educación, Alejandro Font de Mora, indicou, durante o acto de presentación da tradución ao valenciano da Lei hipotecaria, que a recuperación e impulso da presenza do valenciano na Administración constitúe un “obxectivo primordial” para a Generalitat.
Fonte: El Periòdic
Esquerra Republicana avisa que non apoiará o Pacto pola Educación se se pon en dúbida a inmersión lingüística en Cataluña
O portavoz de Esquerra no Congreso, Joan Ridao, avisou o ministro de Educación, Ángel Gabilondo, que a súa formación non apoiará o Pacto de Estado pola Educación se neste "se pon en dúbida un modelo de éxito avalado por máis de 30 anos, como o sistema catalán de inmersión lingüística".
Fonte: Europa Press
Eusko Alkartasuna esixe que o currículo educativo vasco dea prioridade ao éuscaro
Eusko Alkartasuna esixiu que o currículo vasco outorgue expresamente "atención prioritaria ao éuscaro" e inclúa "o significado histórico e social de Euskal Herria".
Fonte: El Mundo
Máis de 15.300 clientes elixen o éuscaro para comunicarse coa Caixa de Aforros de Navarra
En total, 60.066 clientes (un 9 por cento) falan ca Caixa de Aforros de Navarra nunha lingua distinta ao castelán e deles case 45.000 dialogan coa entidade en catalán, segundo informou esta caixa nun comunicado.
Fonte: ABC
Nas autoescolas da comarca de Buruntzaldea xa é posible estudar en éuscaro
Unha nova iniciativa coordinada por medio dos departamentos municipais de Éuscaro da comarca de Buruntzaldea permitirá estudar nas autoescolas para sacar o carné de conducir en éuscaro.
Fonte: Diario Vasco
O Colectivo Fala Ceibe pide que se recoñeza o galego na lei comarcal do Bierzo
O colectivo cultural Fala Ceibe do Bierzo demanda o recoñecemento da lingua galega na futura reforma da Lei da comarca e reivindica a creación dun novo artigo da norma no que se faga referencia expresa ao galego.
Fonte: La Crónica
Máis de 1.600 alumnos de Navarra cambian de modelo lingüístico por problemas co éuscaro
Uns 1.900 escolares de toda Navarra (o 2 % do total) cambiaron o curso pasado de modelo lingüístico ao terminar educación infantil, primaria ou secundaria.
Fonte: Diario de Navarra
A Chunta Aragonesista reclama programas en linguas propias de Aragón na radio e a televisión aragonesas
Tras a aprobación da Lei de linguas, na que se prevé que a televisión e a radio públicas deben promover a emisión de programas nas linguas propias de Aragón de maneira regular, a Chunta Aragonesista considera que "é o momento de fomentar e difundir a riqueza lingüística de Aragón a través dos medios de comunicación públicos".
Fonte: ABC
O Departamento vasco de Educación anima ao intercambio entre alumnos para aprender éuscaro
O Goberno vasco quere aproveitar a diversidade dos distintos territorios, incluídos Navarra e Iparralde, para promover intercambios entre estudantes co fin de mellorar o seu coñecemento de éuscaro. A convocatoria está aberta aos que viven en situacións máis desfavorecidas de cara a alcanzar un correcto nivel nesta lingua.
Fonte: Noticias de Gipuzkoa
Boletín
Subscríbase ao boletín
