España
Máis de 1.200 auxiliares de conversación súmanse ás aulas bilingües andaluzas en outubro para apoiar o profesorado
Un total de 1.234 auxiliares de conversación nativos incorpórase a partir do 1 de outubro, e ata o 31 de maio de 2011, a algunhas das aulas dos 762 centros escolares andaluces que ofertan ensinanzas bilingües neste curso 2010-2011, ben en inglés, francés ou en alemán.
Fonte: Europa Press
O Congreso pide unha nova lei antes de xullo de 2011 que amplíe o uso de linguas cooficiais en organismos do Estado
O Congreso dos Deputados pediulle ao Goberno, co rexeitamento do PP, a presentación dun proxecto de lei antes de xullo de 2011 que amplíe o uso das linguas cooficiais e así recoñeza a iniciativa dos cidadáns para poder dirixirse en calquera destes idiomas a determinados organismos do Estado.
Fonte: Europa Press
Un total de 25.000 alumnos recibe formación en lingua estranxeira nos 82 centros bilingües de Aragón
Un total de 25.000 alumnos de infantil, primaria e secundaria recibe formación en linguas estranxeiras nos 82 centros bilingües que, este curso, existen en Aragón.
Fonte: 20 minutos
O Goberno catalán pon en marcha o buscador de recursos para a acollida lingüística
O Goberno de Cataluña puxo en marcha o buscador de recursos para a acollida lingüística (http://gencat.cat/llengua/acolliment/cercador). Trátase dunha ferramenta dirixida a persoas que realizan tarefas de acollida lingüística en catalán para persoas adultas.
Fonte: Generalitat de Catalunya
Os inmigrantes árabes en España piden un xornal no seu idioma
Á gran maioría da comunidade de fala árabe residente en España (94 %) gustaríalle poder dispoñer neste país dun xornal no seu idioma, do que carecen agora, segundo unha enquisa entre o colectivo presentada no Centro Internacional de Prensa (CIP).
Fonte: Periodista Digital
España premiará as escolas de Estados Unidos que mellor ensinen a lingua española
O Goberno español premiará as escolas de Estados Unidos que desenvolvan programas de inmersión lingüística en español con mellores resultados e maior innovación.
Fonte: Fundéu
O Ministerio de Educación español destina 120 millóns de euros para a formación en idiomas
O ministro de Educación, Ángel Gabilondo, presentou o Programa Integral de Aprendizaxe de Linguas Estranxeiras, dotado con 120 millóns de euros e que persegue que os españois falen inglés ou outro idioma estranxeiro.
Fonte: Público
O cine en versión orixinal subtitulada en éuscaro chega á canle ETB3
A terceira canle de Euskal telebista (ETB3) apúntase ás versións orixinais. A partir do 7 de outubro, os espectadores vascos terán ocasión de gozar con cine en versión orixinal e ademais subtitulado en éuscaro.
Fonte: FormulaTV
O éuscaro estenderase este ano a todos os rexistros civís do País Vasco
O Goberno vasco, a proposta do Departamento de Xustiza, aprobou un convenio de colaboración coa entidade pública Red.es para estender este ano as inscricións en éuscaro a todos os rexistros civís delegados nos xulgados de paz do País Vasco.
Fonte: El Correo
O Goberno vasco traduce por primeira vez ao éuscaro varios tratados de dereitos humanos
O Goberno vasco comezou a traducir ao éuscaro e a incorporar ao portal euskadi.net diversos tratados internacionais de dereitos humanos, que ata agora non se atopaban dispoñibles en lingua vasca.
Fonte: Europa Press
Boletín
Subscríbase ao boletín
