España
YouTube suma o catalán ás 40 linguas accesibles para os usuarios
O catalán sumouse ás máis de 40 linguas nas que se oferta o portal de vídeos YouTube, xestionado por Google.
Fonte: El Mundo
Nacen unha radio e unha web didácticas para a aprendizaxe do español
A Fundación da Lingua Española puxo en marcha dúas novas ferramentas didácticas, baseadas nas tecnoloxías da información, para estender a nivel internacional a aprendizaxe do español grazas a un portal web e a unha emisora de radio.
Fonte: El Mundo
A Fundación da Confederación Estatal de Persoas Xordas convoca os Premios Fundación CNSE 2011
A Fundación CNSE abriu a convocatoria dos seus Premios 2011. O primeiro destes galardóns é o Premio Fundación CNSE á investigación sobre a lingua de signos española, que ten como obxectivo fomentar a produción en España de traballos innovadores de investigación sobre esta lingua.
Fonte: RRHHDigital
Cuenca será unha das sedes dos cursos de inmersión en lingua inglesa da Universidade Internacional Menéndez Pelayo
O Ministerio de Educación e a Universidade Internacional Menéndez Pelayo (UIMP) abrirán o 31 de xaneiro o prazo de matrícula dos cursos de inmersión en lingua inglesa que, entre marzo e decembro de 2011, se celebrarán en dez das sedes da Universidade, entre elas Cuenca.
Fonte: ABC
O Goberno vasco manterá o seu apoio ao éuscaro no País Vasco francés
O Goberno vasco e a Oficina Pública da Lingua Vasca francesa firmaron un acordo de colaboración en materia de éuscaro co obxectivo de potenciar o número de falantes de vasco no País Vasco francés.
Fonte: ABC
O escritor Miguel Rojo afirma que a lingua asturiana se atopa “na UVI e en coma”
O escritor Miguel Rojo, que presenta en Valladolid a súa última novela, A folla do ginkgo biloba, asegurou a Efe que a lingua asturiana "se atopa na UVI e en estado de coma”, ao non gozar da “protección suficiente”.
Fonte: ABC
Aumentan nun 20 % os estranxeiros que seguen cursos de catalán
Ata 40.000 persoas se inscribiron nalgún dos cursos de catalán que organizou o Consorcio para a Normalización Lingüística de Barcelona durante o ano 2010. A gran maioría, un 72 %, son persoas de orixe estranxeira.
Fonte: Avui
Escola Valenciana e a Consellería de Educación abren un diálogo sobre "o modelo plurilingüe"
Representantes de Escola Valenciana e da Consellería de Educación reuníronse por primeira vez en dous anos para falar sobre o modelo plurilingüe de ensino na Comunidade Valenciana, segundo informou a asociación nun comunicado.
Fonte: ABC
A homologación de títulos en éuscaro estará lista a finais de 2012
O Goberno vasco porá en marcha no curso 2011-2012 o proceso para conceder titulacións homologadas de éuscaro aos alumnos do "modelo D", é dicir, aqueles que estudan integramente nesta lingua, sen necesidade de que se sometan a exames específicos para as acreditacións oficiais de coñecemento do éuscaro.
Fonte: eitb
A Asociación de Xuristas polo Asturiano censura a exclusión da lingua asturiana nun premio
Xurde Blanco, o avogado que iniciou un litixio coa Administración do Principado de Asturias a consecuencia da denegación dun permiso laboral solicitado en lingua asturiana por un funcionario, continúa vixiando o cumprimento por parte da Administración da Lei de uso e promoción do asturiano.
Fonte: La voz de Asturias
Boletín
Subscríbase ao boletín
