España
Só un 2 % de alacantinos usa o valenciano cos seus fillos
Só un 2 % dos pais que residen en Alacante, capital, usa o valenciano para dirixirse aos seus fillos, unha porcentaxe que se eleva ao 18 % no caso das parellas que matriculan a súa prole nalgún dos 13 colexios de infantil e primaria, ou nos cinco institutos que ofrecen programas de inmersión lingüística.
Fonte: El País
As Comisións pola Lingua de Acción Cultural do País Valenciano potenciarán o uso social do valenciano
Acción Cultural do País Valenciano (ACPV) puxo en marcha unha campaña que pretende potenciar o uso social do valenciano na Comunidade buscando “a mobilización de miles de valencianos” arredor dunha rede de Comisións pola Lingua a nivel municipal e educativo.
Fonte: ABC
O número de persoas que participa nos programas que ofrecen practicar o éuscaro triplicouse en cinco anos
Pasaron case dúas décadas desde que o primeiro programa de Mintzapraktika se puxo en marcha en San Sebastián. Na actualidade, hai máis de medio centenar de programas en funcionamento e, aínda que a maioría corresponde a iniciativas de ámbito local implantadas por asociacións tamén locais que traballan na promoción do uso do éuscaro, non faltan empresas, hospitais ou centros educativos que levaron á práctica os seus propios programas.
Fonte: Diario Vasco
Os servizos de interpretación da lingua de signos redúcense debido á crise
A lei recoñece (desde 2007) o dereito a que as persoas xordas dispoñan dos recursos necesarios para desenvolverse en calquera aspecto da vida, implantando nos centros públicos un servizo de interpretación en lingua de signos, pero coa crise o seu desenvolvemento, que era lento, volveuse aínda máis lento.
Fonte: ADN
A Fundación Comillas impartirá un curso virtual sobre dinámicas de traballo na aula de español como lingua estranxeira
A Fundación Comillas impartirá desde o 7 de marzo un novo curso sobre o ensino do español como lingua estranxeira, concretamente sobre as dinámicas de traballo para aplicar na aula.
Fonte: Europa Press
O Goberno vasco busca que o éuscaro sexa a lingua invitada na Feira Expolangues de París do ano 2013
O Goberno vasco acudiu á Feira Expolangues de París para reunirse cos responsables deste evento dos idiomas e lograr un acordo para que o éuscaro sexa a lingua invitada na edición de 2013.
Fonte: Europa Press
O Partido Socialista do País Valenciano e Escola Valenciana acordan fomentar a educación en valenciano
O secretario xeral do Partido Socialista do País Valenciano (PSPV) e candidato á Presidencia da Generalitat, Jorge Alarte, e o presidente de Escola Valenciana, Vicent Moreno, acordaron “fomentar a educación en valenciano como unha aposta polo plurilingüismo e a calidade do ensino”.
Microsoft presenta Windows 7 e Office 2010 en valenciano
Microsoft presentou o primeiro produto da compañía en valenciano “CLIP” (Captions Language Interface Pack), que permitirá aos usuarios dispor dunha tradución ao valenciano dos menús de Windows 7 e Office 2010.
Fonte: Europa Press
O Goberno canario admite que a comunidade está "fóra de prazo" para cumprir coa UE na aprendizaxe da segunda lingua estranxeira
A conselleira de Educación, Cultura e Deportes do Goberno de Canarias, Milagros Luis Brito, admitiu que as illas “están fóra de prazo” para lograr o obxectivo imposto pola Unión Europea para que nos Estados membros se falen “dúas linguas máis unha”.
Fonte: Europa Press
Unha campaña busca sensibilizar os pais sobre a importancia da lectura en éuscaro
O Goberno vasco puxo en marcha o programa Bularretik mintzora (“do peito á fala”) co obxectivo de sensibilizar os pais sobre a importancia da lectura en éuscaro desde a primeira infancia.
Fonte: El País
Boletín
Subscríbase ao boletín
