A retransmisión dos actos oficiais da xornada que celebra a identidade andaluza por parte de Canal Sur contou coa presenza dun grupo de intérpretes da Federación Andaluza de Asociacións de Persoas Xordas (FAAS) que fixeron que todos os contidos da xornada fosen accesibles ás persoas xordas

Fonte: Diario Signo

O Tribunal Superior de Xustiza (TSX) da Comunidade Valenciana determinou nunha sentenza que o Boletín Oficial da Provincia (BOP) de Castellón non poderá obrigar os usuarios falantes de valenciano a enviar os seus textos tamén en castelán.

Fonte: Europa Press

Alberto Fernández Díaz, presidente do grupo municipal do Concello de Barcelona, comprometeuse a promover unha nova normativa de acceso ás licenzas de taxi que garanta que os novos taxistas coñezan as dúas linguas oficiais de Cataluña, o castelán e o catalán.

Fonte: Libertad Digital

A Consellería de Medio Ambiente, Auga, Urbanismo e Vivenda, a través do Instituto Cartográfico da Comunidade Valenciana e a Academia Valenciana da Lingua, colaboran para mellorar, actualizar, completar e ampliar os rexistros topográficos da Comunidade Valenciana.

Fonte: El Periodic

O candidato socialista á Alcaldía de Almería, Juan Carlos Usero, reuniuse cos representantes da Asociación Provincial de Persoas Xordas de Almería (ASOAL). User comprometeuse a ofrecer intérpretes de lingua de signos para a xestión de servizos municipais.

Fonte: Diario Signo

A Fundación Comillas impartirá un novo curso sobre o ensino do español como lingua estranxeira (ELE), concretamente sobre as dinámicas de traballo para aplicar na aula.

Fonte: 20 Minutos

As multinacionais Renault e Michelín, con varias factorías e centos de traballadores en Castela e León, reforzarán o estudo da lingua francesa dentro do ámbito da formación profesional, a cuxos alumnos facilitará a realización de prácticas dentro de fábricas situadas no país veciño.

Fonte: ABC

O Consello Asesor do Éuscaro revisou o antigo plan e acordou as bases para a política lingüística dos vindeiros anos. A partir de aí o Consello Asesor debe deseñar "un plan xeral conformado por medidas concretas que sexan viables e eficaces", aseguraron desde a Consellería de Política Lingüística do Goberno vasco.

Fonte: EiTB

Nos últimos sete anos, o coñecemento da lingua catalá sufriu un descenso de dez puntos debido á chegada de cidadáns procedentes doutras comunidades autónomas e doutros países.

Fonte: Diario de Mallorca

A Plataforma pola Lingua presentouse como defensa no recurso interposto por Convivencia Cívica Catalá ante o Tribunal Superior de Xustiza de Cataluña (TSXCE) en contra do decreto de universidades, segundo o que os profesores deben coñecer as dúas linguas oficiais da comunidade.

Fonte: ABC