O secretario xeral de Política Lingüística da Xunta de Galicia, Anxo Lorenzo, reuniuse coa súa homóloga en Cataluña, Yvonne Griley. Durante o encontro, que tivo lugar na sede do departamento da Generalitat de Cataluña, en Barcelona, os dous responsables intercambiaron puntos de vista sobre os proxectos nos que colaboran actualmente.

Fonte: Xunta de Galicia

Máis da metade dos cidadáns de Cataluña, un 56 %, ten o castelán como lingua de uso habitual, mentres que case catro de cada 10 (un 39,5 %) emprega o catalán como idioma habitual.

Fonte: El Periódico

A primeira gramática do éuscaro en internet xa está dispoñible na rede (www.ehu.es/seg). A aplicación, de acceso gratuíto, inclúe 25 millóns de palabras e enlaces con exemplos do seu uso tanto na literatura e na prensa vasca, coma na televisión.

Fonte: Elcorreo.com

O secretario xeral de Política Lingüística, Anxo Lorenzo, mantivo un encontro co profesorado e cos lectores de galego da Universidade Autónoma de Barcelona (UAB) e da Universidade de Barcelona (UB).

Fonte: Xunta de Galicia

A día de hoxe, o 95% dos cidadáns de Cataluña entende o catalán, aínda que só o 77% sabe falalo e apenas o 60% o sabe escribir. Pero, en cambio, é extremadamente importante o dato de que entre os novos de 14 a 19 anos, a porcentaxe dos que entenden, falan e escriben catalán é do 97%, practicamente o total dos comprendidos nesa franxa de idade.

Fonte: La Vanguardia

O sindicato provincial de ensino de CCOO de Córdoba esixiu a aprobación da lei de lingua de signos de Andalucía, cuxo anteproxecto se elaborou no 2009.

Fonte: Diario de Córdoba

Alemaña quere que as comunidades autónomas faciliten a aprendizaxe do seu idioma nos centros públicos de educación secundaria en España para que o ámbito lingüístico estea en consonancia co bo nivel das relacións políticas, económicas e culturais entre ambos os países.

Fonte: ADN

Apenas o 25% dos 300 proxectos fin de carreira que se presentan cada ano na Universidade de Mondragón redáctase en éuscaro, a pesar de ser a lingua vehicular dos estudantes da universidade privada. O resto realízanse en castelán. Para incentivar o uso da lingua vasca, o centro premiará con 2.000 euros o mellor proxecto fin de carreira presentado en éuscaro.

Fonte: El País

A Axencia Tributaria diferencia entre catalán e valenciano aínda que o Tribunal Supremo avalou en 2008 a denominación académica de catalán para o valenciano e que o Institut d'Estudis Catalans e a entidade homónima en Valencia aseguran que se trata da mesma lingua.

Fonte: La Vanguardia

O Consello de Goberno aprobou o decreto polo que se aproban os estatutos da Academia da Lingua Aragonesa e a Academia Aragonesa do Catalán.

Fonte: Diario Siglo XXI