España
Editan material de alfabetización en catalán para inmigrantes
O conselleiro de Benestar Social e Familia da Generalitat, Josep Lluís Cleries, e o director xeral da Fundación La Caixa, Jaume Lamaspa, presentaron este material pedagóxico ás entidades que se dedican á formación e alfabetización de inmigrantes.
Fonte: ABC
Nove localidades navarras ofertan o programa 3Blai co obxectivo de promover o éuscaro entre os rapaces
“Relacionar o éuscaro con pasalo ben, que os nenos e mozos non asocien esta lingua só co ámbito académico". Este é o obxectivo do programa 3Blai, unha aposta que comparten nove concellos de toda Navarra.
Fonte: Noticias de Navarra
Os directores de escolas de Primaria súmanse ao apoio á inmersión lingüística
Nun comunicado, os directores consideran que nas escolas públicas de Cataluña “non hai, nin houbo ata agora, ningún problema respecto ao ensino-aprendizaxe da lingua catalá e da lingua castelá”.
Fonte: ABC
O Congreso debate unha iniciativa para que as canles autonómicas se vexan noutras comunidades coa mesma lingua
O Pleno do Congreso debate a toma en consideración dunha iniciativa cidadá que pretende que as canles de televisión autonómicas se poidan ver nas comunidades onde se comparta a mesma lingua.
Fonte: Diario Siglo XXI
Nace Arredol, o primeiro diario dixital xeneralista en lingua aragonesa
Gran salto da lingua aragonesa ao mundo dixital. Proximamente, o idioma propio de Aragón contará co seu primeiro diario dixital, Arredol, grazas a un núcleo de impulsores que soubo tecer unha rede de colaboradores.
Fonte: Món Divers
O Congreso dos Deputados apoia o modelo lingüístico de Cataluña
O Congreso dos Deputados emitiu unha mensaxe de apoio ao modelo lingüístico de Cataluña, contido nunha iniciativa de ERC que contou co apoio de todos os grupos parlamentarios excepto o PP.
Fonte: RTVE
Os bebés distinguen antes o francés do inglés que o castelán do catalán
Os bebés acabados de nacer son capaces de distinguir algúns pares de idiomas coma o inglés e o francés ou o xaponés e o inglés, mentres que no caso do catalán e o castelán non é ata os catro meses cando comezan a diferenciar as dúas linguas.
Fonte: ABC
A Universidade de Zaragoza impartirá por primeira vez na historia Filoloxía Aragonesa
A Facultade de Ciencias Humanas e da Educación de Huesca superou a decena de alumnos para a posta en marcha, por primeira vez na Universidade de Zaragoza, do Diploma de Especialización en Lingua Aragonesa, polo que pasará a impartirse este curso 2011-2012.
Fonte: Heraldo
O Tribunal Superior de Xustiza de Cataluña paraliza o seu ultimato sobre a inmersión en catalán
O Tribunal Superior de Xustiza de Cataluña provocou a sorpresa novamente ao suspender o prazo de dous meses imposto á Generalitat para aplicar a sentenza do Tribunal Supremo sobre a equiparación do castelán como lingua vehicular do ensino obrigatorio.
Fonte: Público
Llodio evocará na festa do éuscaro a ancestral presenza desta lingua na localidade
O día do éuscaro celebrarase en Llodio o próximo 24 de setembro cunha festa que cambiou de data en 2007 e que lembra a presenza ancestral desta lingua na segunda localidade alavesa.
Fonte: El Correo
Boletín
Subscríbase ao boletín
