España
O director do Instituto Cervantes admite que non é bo que esta institución se ocupe só do ensino do español
O Instituto Cervantes está estudando un “programa de potenciación das súas relación” co Instituto Ramon Llull, o Instituto Vasco Etxepare e o Consello da Cultura Galega en materia lingüística.
Fonte: El Correo Gallego
O Goberno catalán demandará o uso do catalán en todos os trámites xudiciais nos que interveña a Generalitat
O Consello Executivo acordou que sexa obrigatorio o uso do catalán en todos os trámites dos procesos xudiciais dos tribunais de Cataluña nos que interveña a Generalitat ou as entidades do seu sector público. Desta forma, o Executivo pretende aumentar e normalizar o uso desta lingua nun ámbito que continúa a ser minoritario.
Fonte: Generalitat de Catalunya
A crise é unha fértil fonte de enriquecemento da lingua española
A crise está a ser “unha fértil fonte de enriquecemento da lingua española”, coa incorporación de ingresos léxicos, de novas palabras e a recuperación doutras, o que permite “crear linguaxe” afirmou o director da Fundación do Español Urxente (Fundéu BBVA), Xoaquín Müller.
Fonte: La Rioja
O Goberno vasco estuda aumentar as horas de éuscaro no modelo A
A conselleira de Educación, Política Lingüística e Cultura, Cristina Uriarte, avanzou que estuda aumentar o número de horas en éuscaro no modelo A, no que se utiliza o castelán como lingua vehicular, xa que cre que “o sistema actual non é válido para garantir un coñecemento práctico das dúas linguas oficiais".
Fonte: El País
O uso do éuscaro aumenta entre os nenos e os mozos no concello de Lezo
A empresa Soziolinguistika Klusterra deu a coñecer os resultados da medición que se fixo en novembro do 2012 sobre o uso do éuscaro na rúa. A utilización do éuscaro subiu en case un punto en cada un destes últimos doce anos. No ano 2000, o 33 % utilizaba o éuscaro e en 2012, un 41,8 %.
Fonte: Diario Vasco
O Goberno vasco recupera as axudas individuais ao éuscaro para o alumnado
O Goberno vasco manterá este ano o seu compromiso financeiro co fomento do éuscaro ao destinar un total de 41,2 millóns de euros a este fin. Como principal novidade da convocatoria de axudas para este 2013, o Goberno recuperou as bolsas individuais para os alumnos.
Fonte: El Mundo
O plan de normalización do éuscaro no Servizo Vasco de Saúde só acadou o 58 % dos seus obxectivos
O primeiro plan de normalización do éuscaro en Osakidetza (Servizo Vasco de Saúde) 2005-2012 só acadou o 58 % dos seus obxectivos. A principal carencia continúa radicando no uso da lingua, tanto nas relacións internas do persoal sanitario como nas relacións asistenciais.
Fonte: El Mundo
O TERMCAT publica a terminoloxía do automobilismo e a Fórmula 1
Con motivo do Gran Premio de Fórmula 1 no Circuíto de Cataluña, o TERMCAT publicou en liña o Diccionari d’automobilisme que recolle máis de 200 termos relevantes deste deporte de motor e ofrece tamén a consulta dunha corentena de termos seleccionados no tríptico Termes de la Fórmula 1. Tanto o dicionario como o tríptico presentan as denominacións e a definición en catalán e os equivalentes en castelán, francés e inglés.
Fonte: Generalitat de Catalunya
O Departamento de Educación de Baleares suprime o Servizo de Ensino do Catalán
Entre outras, o Servizo de Ensino do Catalán (SECAT) era o encargado de expedir os certificados de coñecementos de lingua catalá aos alumnos que cursaron cuarto de ESO ou segundo de Bacharelato. Tamén entregaba os títulos de capacitación para impartir clase en Baleares nos cursos de reciclaxe para o profesorado.
Fonte: Diario de Mallorca
A canle pública vasca EiTB apostará por unha maior presenza do éuscaro
A canle xeneralista en éuscaro terá unha programación propia e nova de máis de dez horas diarias na grella de 2013-2014, redeseñando o intervalo de mediodía á noite.
Fonte: El País
Boletín
Subscríbase ao boletín
