O Concello de Manacor aposta forte polo catalán como ferramenta comunicativa e cultural. Proba disto foi a presentación das convocatorias aos Premios Ciutat de Manacor 2013, que programou ata catro galardóns de creación literaria, distribuídos nas categorías de novela, poesía, teatro e ensaio, dotados de 5000 euros o primeiro e 3000 os tres seguintes, “para así poder facerse eco por todos os Países Cataláns”.

Fonte: Diario de Mallorca

O Centro de Normalización Lingüística da Lingua de Signos Española (CNLSE) anunciou que “aplaude” que a cerimonia de entrega dos premios Goya 2013 se retransmita en directo en lingua de signos española a través da web de RTVE.

Fonte: Crónica Social

A cooperativa leiteira Llet Nostra iniciou unha acción en Facebook para fomentar a etiquetaxe en catalán mediante o slogan "Keep calm and label in catalan".

Fonte: Generalitat de Catalunya

O Tribunal Superior de Xustiza da Comunidade Valenciana (TSJCV) ditou unha sentenza na que lle dá un mes á Consellería de Educación para emitir unha resolución que permita a aplicación do Programa de Ensinanza en Valenciano (PEV) nun colexio público da localidade de Xirivella.

Fonte: Levante-EMV

Os últimos datos de prematriculación confirman un ano máis a aposta maioritaria das familias polo modelo de ensino en éuscaro (D) e o paulatino retroceso do método bilingüe (B) e en castelán (A).

Fonte: El Correo

Critican que a canle «colocou diante das cámaras un novo equipo de intérpretes que utilizan mal a lingua de signos».

Fonte: ABC

O Concello destinará este ano case un millón e medio de euros a actividades e subvencións para o fomento do éuscaro. É a proposta que leva o Goberno municipal no proxecto de orzamentos do Departamento de Éuscaro que, entre outras propostas, inclúe unha partida de 38 000 euros para ofrecer cursos gratis aos donostiarras que estean en paro.

Fonte: Diario Vasco

A Plataforma pola Lingua e a Fundación Vincle lanzaron unha páxina web para que os traballadores dos bares e restaurantes poidan aprender de forma “áxil e rápida” os termos en catalán que se utilizan con máis frecuencia no seu traballo.

Fonte: Europa Press

O novo enfoque que persigue o plan é facilitar o uso do éuscaro como lingua de servizo e traballo en sanidade. Non se trata só de que os profesionais saquen os perfís, búscase que o paciente teña a opción de usar o éuscaro; a calidade do servizo mellora con este compromiso.

Fonte: Noticias de Álava

O Pleno do Concello de Tolosa aprobou, na súa última sesión, solicitar a entrada do Concello de Tolosa na UEMA, a asociación de municipios que traballan só en éuscaro.

Fonte: Diario Vasco