Cada vez tradúcense menos libros do catalán a outras linguas. Esta é a conclusión extraída dos datos ofrecidos polo Instituto Ramon Llull (IRL), organismo público controlado directamente pola Generalitat de Cataluña.

Fonte: La Voz de Barcelona

Tafalla celebrará o Día do Éuscaro-Euskararen Eguna, unha cita festiva e reivindicativa que este ano se convoca na súa oitava edición. A organización dos actos correspondeulle un ano máis á Comisión Municipal de Éuscaro do Consistorio, que recibiu a colaboración de diferentes colectivos culturais da cidade.

Fonte: Noticias de Navarra

A Deputación de Guipúscoa defendeu a legalidade de aplicar criterios lingüísticos nos contratos de carácter público e lamentou que a Avogacía do Estado poña “trabas” á normalización do éuscaro, debido a que, ao seu parecer, se trata dunha “ferramenta válida” para a súa normalización.

Fonte: Noticias de Gipuzkoa

A titular de ensino do Goberno de Cataluña deu por primeira vez a cifra de escolas que usan o castelán como lingua vehicular, un 13 %, aínda que non aclarou a proporción de materias que se imparten nesta lingua.

Fonte: ABC

O Observatorio de Dereitos Lingüísticos, Behatokia, denunciou que o colexio Escola Virxe de Ouro da localidade alavesa de Murgia non imparte o modelo de ensino D, o que obriga aos alumnos a desprazarse ao veciño municipio de Izarra.

Fonte: Deia

Un equipo de investigadores da Universidade Autónoma de Barcelona identificou unha nova forma de falar entre os adolescentes de orixe latinoamericana, que combina palabras de diferentes variantes do español de Latinoamérica con outras en catalán e castelán que falan en Barcelona.

Fonte: La Tercera

Todos os grupos políticos do Senado aprobaron unha moción que recoñece a realidade occitana do Val de Arán, dotada de identidade cultural, histórica, xeográfica e lingüística e "defendida polos araneses durante séculos".

Fonte: Europa Press

Entre as novidades desta edición dos Premios da Música Independente destaca a creación de tres novas categorías relacionadas cos tres idiomas cooficiais (de mellor produción en éuscaro, mellor álbum en lingua galega e mellor álbum cantado en catalán).

Fonte: Culturagalega.org

O Consello Comarcal do Bages puxo en marcha unha iniciativa para facer chegar contos en lingua de signos de diferentes escolas da comarca.

Fonte: La Vanguardia

Máis do 75 % dos alumnos do terceiro ciclo de educación primaria das escolas públicas catalás teñen o castelán e o catalán como lingua materna, como o fixeron constar as familias nas solicitudes de matriculación.

Fonte: Europa Press