España
Ponse en marcha un proxecto para reforzar o número de cursos de asturiano destinados ás persoas adultas
A organización Iniciativa polo Asturiano é a responsable deste proxecto co que tamén se pretende organizar cursos doutras materias co asturiano como lingua vehicular.
Fonte: Asturies.com
O Consello Navarro do Éuscaro apoia que se reforcen as competencias e a estrutura de Euskarabidea
O Consello Navarro do Éuscaro elaborará un plan estratéxico para a promoción e a normalización da lingua vasca.
Fonte: Diario de Navarra
Solicítanlles ás novas televisións locais que emitan programación en lingua asturiana
A Xunta pola Defensa da Lingua Asturiana (XDLA) envioulles unha carta ás novas televisións locais para explicarlles o éxito que a programación en asturiano está a ter noutras canles, entre elas a televisión pública do Principado.
Fonte: Asturies.com
Unha tese realizada na Universidade do País Vasco conclúe que os efectos da afasia son distintos nunha persoa bilingüe
A tese sinala que as lesións cerebrais que ocasionan a perda ou trastornos na fala non afectan do mesmo xeito aos individuos bilingües.
Fonte: Noticias de Álava
Os Orzamentos Xerais do Estado non inclúen partida ningunha para a Academia da Lingua Asturiana
Iniciativa polo Asturiano volveu solicitarlle ao Congreso dos Deputados que presenten unha emenda a estes orzamentos para que se lle asigne unha partida á Academia da Lingua Asturiana.
Fonte: El Comercio
O Concello de San Sebastián destina unha partida de 297 652 euros a subvencións para a aprendizaxe do éuscaro
O Servizo de Éuscaro do Concello donostiarra busca fomentar a aprendizaxe da lingua vasca, para o cal dedicará 297 652 euros a axudas directas para quen a estude e para os euskaltegis.
Fonte: Diario Vasco
Preséntase un plan municipal de normalización da lingua asturiana para o Concello de Xixón
O voceiro municipal de Xixón si Pode presentou o Plan estratéxico de uso da lingua asturiana que se debaterá no próximo pleno.
Fonte: ABC
Preséntase o segundo vídeo do proxecto Poziktibity co que se quere animar a poboación a aprender éuscaro
O viceconselleiro de Política Lingüística e o cociñeiro Aitor Elizegi presentarán o segundo vídeo do ano 2015 do proxecto Poziktibity co que se pretende animar a aprender éuscaro.
Fonte: Deia
O Parlamento de Asturias pon en marcha unha comisión de protección da lingua asturiana
A Xunta de Voceiros aprobou, a proposta de IU, a creación para esta lexislatura dunha comisión especial para a promoción, protección e normalización da lingua asturiana
Fonte: El Comercio
O Concello de Vitoria oferta 86 cursos para aprender éuscaro dirixidos a diferentes colectivos
Dentro da campaña "Euskara zure frekuentzian", o Concello oferta un total de 86 cursos de éuscaro destinados a nais e pais, persoas maiores de 55 anos, persoas estranxeiras e persoal dos sectores do comercio e a hostalería.
Fonte: El Diario
Boletín
Subscríbase ao boletín
