Actualmente, a actividade informativa de TVE na Comunidade Valenciana redúcese á desconexión territorial das 14 horas de luns a venres. Un telexornal de menos de media hora, que ten unha segunda entrega de sete minutos ás 16 horas, á cola da edición nacional. Aí remata a oferta de TVE en lingua propia.

Fonte: Levante-emv

A Dirección Xeral de Política Lingüística do Departamento de Cultura da Generalitat de Cataluña, en colaboración co Consorcio pola Normalización Lingüística, ofrece cursos de catalán ao persoal da Axencia Estatal de Administración Tributaria a través da contorna de aprendizaxe Parla.cat.

Fonte: Generalitat de Cataluña

O Servizo de Éuscaro do Concello repartirá este ano 292 000 euros entre os 2515 donostiarras que realizan distintas actividades para a aprendizaxe do éuscaro. As subvencións van dirixidas non só a cursos de inverno en euskaltegis, senón tamén a grupos especiais para pais, comerciantes ou xubilados, para desempregados ou para inmigrantes.

Fonte: Diario Vasco

O Tribunal Supremo volveu avalar o uso do castelán como lingua vehicular na educación en Cataluña. Neste caso, débese ao recurso dos pais dunha nena de educación infantil que estudaba nun colexio concertado e para a que os seus proxenitores reclamaron o uso da súa “lingua habitual”.

Fonte: El País

Os grupos da oposición valenciana asinaron un documento xunto a partidos independentistas e asociacións catalanistas para defender o uso da lingua catalá na Comunidade Valenciana na relación coas institucións e cos comercios privados.

Fonte: Las Provincias

A conselleira de Desenvolvemento Económico e Competitividade do Goberno vasco, Arantza Tapia, remarcou a importancia da produción cultural en éuscaro na economía vasca e asegurou que é “un sector de futuro", sobre todo para a xuventude.

Fonte: EITB

A euscaldunización non pode abranguer todo o circuíto sanitario de golpe, polo que haberá áreas prioritarias, en concreto a atención primaria e os hospitais. Pero, sobre todo, o plan centrarase nos menores e nas persoas maiores, que serán os principias obxectivos.

Fonte: Deia

A edición deste libro, elaborado polos servizos técnicos do Instituto de Estudos Baleáricos, ten como obxectivo ofrecerlles aos cidadáns e aos diferentes organismos das illas Baleares, unha ferramenta que lles permita consultar facilmente as peculiaridades da fala de cada unha das illas que contan co visto e prace da normativa.

Fonte: Mallorca Confidencial

Máis de 177 establecementos comerciais adheríronse á campaña “E ti, xogas en catalán?”, impulsada polo Consorcio para a Normalización Lingüística, adscrito ao Departamentos de Cultura da Generalitat de Cataluña, aínda que o número definitivo de comercios participantes non se coñecerá ata finais de decembro. O obxectivo da campaña é dar a coñecer e facilitar a oferta de xogos en catalán e fomentar o seu uso entre os cidadáns.

Fonte: Generalitat de Cataluña

A nova proba que porá en marcha a Consellería de Educación, para acreditar o nivel de idiomas dos estudantes de Primaria e Secundaria ao finalizar cada unha destas etapas, busca aumentar a “destreza” dos alumnos ao “escoitar, falar, ler e escribir” noutra lingua.

Fonte: El Diario Montañés