“Catalanidade, innovación e proximidade”. Son os tres valores sobre os que se apoiará Parlem, un novo operador móbil virtual que empezará a funcionar en novembro só en Cataluña. O seu obxectivo é converterse na cuarta operadora da rexión en tan só cinco anos, ser un referente, e para iso utilizará o catalán como lingua habitual na súa comunicación cos clientes e na representación institucional.

Fonte: El Boletín

O goberno municipal elaborará o próximo Plan xeral do éuscaro 2015-2019 mediante un proceso participativo no que «todos os donostiarras terán a oportunidade de facer as súas achegas», segundo informou a responsable do departamento, Nerea Txapartegi. Os retos que se marca o plan serán «avanzar na normalización» do éuscaro na cidade e conseguir a «recuperación total» da lingua vasca.

Fonte: Diario Vasco

A Mesa das Cortes Valencianas tramitou a certificación emitida pola Xunta Electoral da Comunidade Valenciana sobre as sinaturas recollidas para a iniciativa lexislativa popular por unha radiotelevisión pública en valenciano.

Fonte: Las Provincias

Os centros educativos públicos andaluces comezaron a impartir chinés en 2011. Tratábase dun programa experimental e impartíase como actividade extraescolar, pero 648 menores e adultos matriculáronse nese ano. En 2013-2014, a cifra de estudantes xa se duplicara. Este curso hai uns 2000, en concreto 1950, o que supón un 200 % máis que hai tres anos.

Fonte: 20 minutos

Un total de 254 centros escolares das redes pública e privada de Euskadi presentaron a súa solicitude de recursos económicos e humanos para implantar un modelo trilingüe onde o inglés sexa a lingua vehicular xunto ao éuscaro e o castelán. Estes centros optan a 1,7 millóns de euros en axudas para o presente curso académico.

Fonte: Diario Vasco

A partida orzamentaria destinada ao desenvolvemento do ensino do éuscaro en Navarra vai en caída libre. O recorte que sufriron estes programas nos últimos seis anos ascende a un 88 %, dos 639 389 euros aprobado en 2009 aos 78 200 euros que recolle o anteproxecto de orzamentos presentado polo Goberno foral.

Fonte: Noticias de Navarra

A asociación de veciños de Riberas de Loiola organizou unha xornada de xogos en familia, promovida con Ekin Kirola. O obxectivo é fomentar o éuscaro con actividades para unha vida activa.

Fonte: Diario Vasco

A acción, que contou coa colaboración do Departamento de Xustiza, ten como obxectivo informar e sensibilizar por un lado a cidadanía para que use o catalán nas súas relacións co mundo da Xustiza, e por outro lado os profesionais do sector para que usen o catalán como a lingua habitual empregada tanto en xulgados como en rexistros públicos, notarías, despachos de avogados ou consultas de graduados sociais, entre outros contextos.

Fonte: Generalitat de Cataluña

A presenza do catalán aumentou nos comercios da cidade de Barcelona respecto a 2005, principalmente en canto á rotulación. Este crecemento vaise matizando pola apertura de comercios rexentados por inmigrantes con poucos coñecementos de lingua catalá. Así se desprende do estudo “Os usos lingüísticos nos establecementos comerciais de Barcelona Ofercat 2005-2012”, que se presentou nunha xornada organizada pola Dirección Xeral de Política Lingüística do Departamento de Cultura.

Fonte: Generalitat de Cataluña

Nos 25 anos que pasaron de 1986 a 2011, a porcentaxe de valencianos con capacidade de escribir na lingua propia aumentou do 7,03 % ao 31,77 %. Este aumento do 352 % tórnase mais incrible ao medilo en cifras absolutas: pasou de haber 262 407 persoas capacitadas para redactar un texto en valenciano a 1 535 693 cidadáns. Case seis veces máis.

Fonte: Levante-emv