España
O concello navarro de Sarriguren promoverá o éuscaro entre os nenos con campamentos de verán
A localidade Navarra de Sarriguren anunciou a súa nova campaña de promoción do éuscaro entre os nenos, que consistirá en campamentos urbanos de verán desenvolvidos nesta lingua.
Fonte: Sarriguren web
En 2014 normalizáronse case 400 palabras en catalán
Durante 2014, o Centro de Terminoloxía do Catalán, TERMCAT, normalizou case 400 termos nun total de 16 sesións que contaron coa presenza de expertos en diferentes campos.
Fonte: Generalitat de Cataluña
Presentan un novo dicionario de física en catalán
O TERMCAT, a Universidade Politécnica de Cataluña e a Enciclopedia Catalá presentaron o novo dicionario de física en catalán realizado conxuntamente polas tres institucións. No dicionario recóllense máis de 3000 termos desta área do coñecemento.
Fonte: Generalitat de Cataluña
España e Rusia celebrarán o ano das súas linguas con máis de cen actos nos dous países
España e Rusia celebrarán máis de cen actos durante o próximo ano para conmemorar o ano da lingua e a literatura rusa en España e o ano da literatura e a lingua española en Rusia.
Fonte: Sputnik Mundo
Os Gobernos do Perú e do País vasco estreitan lazos en materia de política lingüística
O País vasco foi o país invitado na Semana da Diversidade Cultural e Lingüística do Perú para falar do proceso de recuperación do éuscaro, xa que no Perú tamén hai unha situación de multilingüismo.
Fonte: El Diario
Denuncian o maltrato ao asturiano na xornada electoral
A Xunta pola Defensa da Lingua Asturiana denunciou o maltrato á lingua propia do Principado durante a xornada electoral, dado que nalgúns lugares as papeletas escritas nesa lingua foron retiradas das mesas.
Fonte: Asturnews
O modelo B de educación en éuscaro e castelán ofrecerase en formación profesional a partir do próximo ano
O Goberno vasco ofrecerá ensino bilingüe (en éuscaro e castelán) na formación profesional a partir do próximo ano. O obxectivo é continuar promovendo esta lingua e ofrecer ensino bilingüe máis alá da educación secundaria obrigatoria.
Fonte: 20 minutos
Un proxecto utiliza a lingua latina en Primaria para mellorar a capacidade lingüística dos alumnos
Un estudante de Doutoramento da Universidade de Alacante iniciou un proxecto no que utilizou o latín con estudantes de Primaria co obxectivo de mellorar a súa capacidade lingüística.
Fonte: 20 minutos
Un programa da televisión vasca analizará o uso do éuscaro no sistema sanitario do País Vasco
O programa da televisión autonómica vasca Tribuaren Berbak analizará a situación do éuscaro no sistema sanitario da comunidade e destacará a importancia do seu uso cos pacientes.
Fonte: EITB
As probas de acceso á avogacía en Cataluña realizáronse en castelán
Os candidatos á avogacía en Cataluña realizaron as probas de acceso en castelán debido á negativa do Goberno español de organizar estas probas nas linguas cooficiais a pesar da petición da avogacía catalá.
Fonte: Generalitat de Cataluña
Boletín
Subscríbase ao boletín
